2014年11月19日 星期三

[FACE - 391 - 大專校園] 超級粉絲追台星 恒管 Joanne做咗炎亞綸緋聞女 炎亞綸,MF,




羅逸童  Joanne

恒管新聞及傳播學系 Yr.3

Joanne話自己好怕悶,所以揀咗新聞系公關呢一科,貪呢科可以搞唔同類型活動,好好玩兼識到好多人。

U花 U草

超級粉絲追台星 恒管 Joanne做咗炎亞綸緋聞女

𠵱家冇人追港星,唔少妹仔為咗金秀賢、李敏鎬同 Big Bang,成為追星族,死慳死抵買埋機票飛去韓國見男神。

20歲讀緊恒管新聞及傳播學系 Yr.3嘅羅逸童( Joanne)都係追星族嘅大師姐!

情侶裝自拍

就係呢一攬,令 Joanne被圍插,由於佢同炎亞綸白衫黑褲情侶裝又做埋連體嬰,唔怪得會俾 fans誤會係炎亞綸女朋友。

有人會認為追星係一種好幼稚嘅行為,但 Joanne覺得自己一直都好成熟,只係其他人鍾意唱 K睇戲打機,佢鐘意追星咁解啫。

不過 Joanne唔係追韓星,九年前佢迷戀當時台灣人氣組合飛輪海四子之一嘅炎亞綸,買機票追星兼狂睇演唱會是指定動作。講到偶像, Joanne就停唔到口:「我 11歲就迫屋企人陪我睇飛輪海演唱會, 14歲仲單獨約同學飛去台灣捧佢哋場。有次為咗追車,司機仲差啲撞死隻貓。」

人追星佢追星, Joanne仲竟然變成偶像炎亞綸緋聞女友,「半年前我專登飛到台灣,喺炎亞綸《愛上兩個我》拍攝現場見佢,由於佢對 fans好熱情,所以我要求合照,佢都立即答應,我仲攬住咗佢條腰影相,因為其他 fans都會咁影,影完咪諗住擺上 ig開心 share,點知就俾啲 fans以為我係佢女朋友鬧爆我,炎亞綸因為想平息件事仲 unfollow埋我,搞到我好唔開心。」搞到 Joanne成為粉絲們圍插對象,認真無辜。

雖然追星嘥錢又嘥時間,但 Joanne絕不後悔:「呢啲係回憶嚟嘅,追星自己開心,個個人年青都有偶像㗎喇!」不過自從發生合照風波, Joanne已經唔再嘥屋企錢(媽媽喺醫院做醫務助理)去日追夜追偶像,「有多餘錢都儲起或者同媽媽去旅行仲實際!」

開 ig賣曲奇

Joanne最拿手整曲奇,佢話𠵱家都有拎俾朋友擺上網賣,嚟緊仲想開間屬於自己嘅曲奇 ig shop添!



鍾意就快D Share啦!
Related Posts Plugin for WordPress, Blogger...