2014年12月5日 星期五

[忽然1周 - 1010] 鄭秀文 謝安琪 陳嘉寶 星星齊睇 show 陳嘉寶,星星,來追星星的你,鄭秀文,謝安琪,MW,




博出位

星星齊睇 show

開騷可以知道一個 artist有幾多人氣,仲可以睇到佢有幾多朋友!就好似 Janice衞蘭日前喺紅館開個唱,除咗有 Sammi同欣宜做嘉賓,仲有謝安琪喺台下做觀眾撐場㖭!而許廷鏗就唔揀紅館,揀九展睇關心妍 concert,第二日 Anjaylia陳嘉寶都去咗九展,不過就係支持魔術師師傅甄澤權!

鄭秀文 攰到爆都要撐

衞蘭個唱尾場搵到 Sammi做嘉賓認真有 face,不過真係苦了 Sammi喇!事關 Sammi嗰日朝早跑完步, 7點開工直落到夜晚,現身撐衞蘭,攰到爆嘅 Sammi第二日先喺微博大讚衞蘭充滿實力!

謝安琪 舊朋友、心緊扣

同衞蘭同期出道嘅 Kay謝安琪就話「拖着『身首異處』嘅疲憊身軀」,去到紅館就為咗支持衞蘭,佢仲用埋近期 hit爆嘅〈舊朋友〉歌詞嚟形容佢哋嘅關係,咁好唱口做咩唔上台唱呀!

鄭欣宜 後台喪玩

俾老闆黎明形容「肥過部電單車」嘅衞蘭,為個唱修身真係 slim咗好多,佢仲請咗身形都好夠分量嘅 Joyce欣宜做嘉賓,相比下,大家明晒。咁 Joyce未出場嗰陣做咩好?就係喺後台喪玩,佢仲 chok晒影相自拍!

陳嘉寶 出力撐師傅

Anjaylia陳嘉寶拜咗魔術師甄澤權為師,日前師傅開騷, Anjaylia即刻一盡徒弟職責,上台幫手變魔術,表演完即刻同好姊妹許亦妮坐定定睇騷。呢個徒弟認真唔話得。

許廷鏗 攬實支持

開 concert嘅仲有關心妍,師弟許廷鏗仲連續兩晚撐場做嘉賓,仲喺微博話「最愛用心的關心妍」。咁抵錫唔怪得之師姐兩隻手攬實佢許廷鏗仲唔笑到見牙唔見眼!



鍾意就快D Share啦!
Related Posts Plugin for WordPress, Blogger...