[忽然1周 - 1010] 楊千嬅拖男帶女鬥 Sammi Sammi,許冠傑,Sam,楊千嬅,千嬅,鄭秀文,MW,

媽咪姐

楊千嬅拖男帶女鬥 Sammi

女人嘅鬥心可以有幾強？媽咪姐話你知，係可以到天荒地老㗎！你睇傳聞由華星年代開始鬥嘅千嬅同 Sammi，到今時今日，兩個人都仲係事業心強戰鬥格。先前話爭紅館跨年騷檔期，卒之 Sammi𠱁掂岳少，贏咗！

其他影片：>>洗米華開豐厚條件　楊千嬅飛岳少投 Paco
>>千嬅吹雞　「華星三寶」廿年重聚　千嬅囝囝現 MV

千嬅碌盡人情卡谷人氣。準備緊個唱嘅 Sammi就成日閉關，係啱啱先去做衞蘭個唱嘉賓。

但千嬅又有澳門猛人洗米華重金挖角，據聞會跟番 Paco（黃柏高）喎，真係鬥得難分難解。

心口掛個勇字嘅千嬅，最近仲 keep住發功！先集合「華星三寶」同汪阿姐拍特輯，谷起 1月個唱個勢，啱啱仲叫埋同佢同年入行嘅陳慧琳拍 MV。嘿！不過，眼利嘅媽咪姐仲喺佢首新歌〈好不容易遇見愛〉個 MV，見到千嬅個寶貝仔 Torres「處男下海」呀！拍咗一個 shot咁多， show吓個可愛背脊。 Well，未生 B嘅 Sammi，喺呢個回合，輸咗。

寶貝仔出手

不過最強武器就係寶貝仔落埋場幫阿媽，喺〈好不容易遇見愛〉 MV入面做小演員，但得個背面啫！好神秘。

千嬅話出年係出道廿周年，所以特登搵番當年同佢合稱「華星三寶」嘅 Eason同梁漢文拍大台特輯，又搵同年入行嘅 Kelly拍新歌 MV〈好不容易遇見愛〉，攬住咕𠱸話當年。

鍾意就快D Share啦！

下一篇 》