熱爆娛樂: [忽然1周 - 1010] 入娛圈激嬲翁靜晶　劉家良女兒：嫁人會問准阿媽翁靜晶,MW,

2014年12月5日星期五

[忽然1周 - 1010] 入娛圈激嬲翁靜晶　劉家良女兒：嫁人會問准阿媽翁靜晶,MW,

娛樂喧

入娛圈激嬲翁靜晶　劉家良女兒：嫁人會問准阿媽

明星二代個個爭住入行，劉家良與翁靜晶的長女劉萬儀，花了八年時間取得兩個律師牌，但她拒絕接手媽咪的律師樓，反以 27歲之齡加入娛樂圈，同翁靜晶當年不理家人反對，偏要嫁給年長自己 30載的劉家良一樣我行我素。難怪翁靜晶都呻爆：「女大女世界！當年我都唔聽我媽媽話！」

坦言任性的劉萬儀，事業自己揀，但唯獨結婚，她絕不會先斬後奏：「嫁人會問准阿媽!」翁靜晶呢位未來外母，大可以放心！

01年 11月 4日，林競業律師（小圖）在翁靜晶居住的單位失足墮下死亡。有消息指，當時翁靜晶及其夫劉家良亦在場。事發時，萬儀只有 14歲，但她一句也沒問過媽咪。

今年 27歲的劉萬儀，出身於演藝世家。雖然父親劉家良是武術大師，又是著名導演，一向有無比威嚴，但在她眼中，劉師傅只是一名溫柔的父親。

「我爸爸喺屋企好溫柔嘅，佢仲自學彈鋼琴㖭。我會嗲阿爸多啲，阿爸錫女嘛！阿媽通常嚴啲！喺屋企，阿爸都會出聲嘅，但只係喺幕後囉！爸爸好堅強，佢患癌多年，臨死前都冇放棄，令我人生好大改變，我都要學阿爸嗰種堅持。」劉萬儀說。

念母恩實習死撐

劉家良患癌 23年的過程中，劉萬儀深深體會到翁靜晶的心理壓力。「佢有好多壓力，但最大係心理壓力。我喺英國讀三年大學，一年去新加坡讀法律。細妹喺英國三年大學，一年考律師牌，一年讀碩士，使咗媽咪唔知幾多錢。爸爸病咗，成頭家阿媽一力承擔，但佢一句都冇呻過！」所以 01年有關母親的新聞，她從沒問過媽咪一句。

劉萬儀在新加坡實習做律師時，曾覺得好辛苦，想放棄，但一想到媽咪，幾辛苦都要頂下去。「我四歲時阿爸已患上淋巴癌第四期，媽咪當年放工返嚟要湊我同細妹，仲要照顧阿爸，佢都冇話攰。我又憑乜嘢資格可以話實習辛苦呢？我好佩服佢！」

激似母親

劉萬儀五官和母親翁靜晶酷似，她微笑的時候，和母親更是一個餅印。

劉家良和翁靜晶育有兩女，劉萬儀（右二）比妹妹劉幸儀大三年，姊妹感情要好。

劉萬儀自幼得劉家良寵愛，出身演藝世家的她，在童年時已在亞視劇集《殭屍道長 II》客串過。

希望扮花木蘭

劉萬儀雖然尊敬母親，又一直走着母親為自己鋪下的康莊大道，不過萬儀和年輕時的翁靜晶一樣，潛藏反叛的心。一直醉心演藝事業的她，兩年前負笈紐約讀戲劇，報了名才告訴翁靜晶。今次入娛圈亦一樣，她先同經理人公司談好了一切，翁靜晶要睇報紙至知道。

「我都覺得性格愈大愈似媽咪！（你第日結婚，會唔會似媽咪當年咁反叛？）唔會嫁人會問准阿媽!」萬儀有個在英國讀大學時認識，拍拖四年的英國男友，此刻男友還跟隨她來港從事金融行業。而這名老外男友翁靜晶亦認識，對他亦甚為滿意，難怪萬儀唔擔心母親反對。

不過現時劉萬儀強調以事業為先。「我希望可以拍一部電影扮演女俠，或者係花木蘭。花木蘭咁孝順阿爸，我又咁錫阿爸，好啱我飾演。我想將自己三、四歲時跟阿爸去片場睇佢拍戲偷師，同埋喺後花園跟阿爸學嘅功夫使番出嚟！」萬儀說。