全城熱爆的娛樂八封新聞 & 時事趣聞 & 生活 + 趣聞
11月初，王賢誌同崔建邦影咗張合照擺上網，原來嗰日係去大台開會，傾表演環節內容。
王賢誌同崔建邦傳不和，已經有 7、 8年時間，最近本來有機會破冰㗎！事關喺嚟緊嘅周六（ 6日），作為東華第四副主席嘅佢，會喺籌款節目中同崔建邦合作，但依家唔成事喇！王賢誌話：「我哋原本諗住 rap，仲開咗幾次會，但我喉嚨有事，唔可以講太多嘢，所以做唔到。」原來係喉嚨惹的禍，唔通真係八字唔夾？
不過王賢誌嘅喉嚨生繭，都唔係依家嘅事，之前已做過 3次手術，今次又再復發，搞到要取消表演，自己都好無奈。佢仲話今年係自己建議搵崔建邦做節目主持。王賢誌為咗東華，真係去到幾盡喎！
王賢誌都話「事隔七年」，再同崔建邦合作，最後因佢喉嚨生繭而告吹。
有傳當年因為陳志雲偏心崔建邦，令王賢誌不滿。但喺今年 7月，陳生去咗王賢誌搞嘅活動，睇嚟 friend番喎！ 《蘋果日報》圖片
