插圖： Wendy
揞名爆
「大笑」廁所操曲嚇親人
媽咪姐好多朋友成日出入電視城，見盡奇人奇事！前兩日，大家去 high tea，又有嘢聽嘞！今次主角係女歌手「大笑」呀。
話說有次做幕後嘅朋友仔喺電視城某洗手間「辦緊事」，忽然聽到隔籬廁格傳來女人嘅歌聲。嘩！夜麻麻搞啲咁嘢？朋友仔個心即刻寒一寒，好彩佢聽聽吓，就認得出唱歌嗰個係「大笑」。嗯，佢唱得好投入呀，喺「香氣四溢」嘅廁格裏面，居然都可以唱咗半首歌！唱完，開門去洗手嗰時，仲好大聲同等佢嘅助手講：「掂呀！」自信爆棚呢。
咁媽咪姐梗係問下有幸免費聽曲嘅嗰位朋友仔有乜評語啦？佢係咁講嘅，「呵呵，都係一樣啦，咪高音嗰度差少少，成首歌啲拍子又差少少，大家都明㗎啦。」媽咪姐持平啲咁講，清唱又係難度高少少嘅。
邊個係「大笑」？
1.紅㗎。
2.入行日子唔短，小朋友都有埋嘞。
|
鍾意就快D Share啦！
|
|
|
