[忽然1周 - 1010] 白靈衣不驚人誓不休 白靈,MW,

下體生花

出外埠

白靈衣不驚人誓不休

48歲嘅中國女星白靈，一向以衣着暴露著稱，大膽程度連荷里活女星都俯首稱臣。話說佢早前出席電影《鑰匙》（ The Key）首映，以一條黑色珠片緞帶遮掩咪咪、下半身僅以一朵塑膠紅花遮掩，話就話三點不露，實情成件衫係着咗等於冇着。

上星期五（ 28號），白靈又突然以紅色緞帶紮住雙峰，喺洛杉磯街頭影相，真係慌嚇人唔死咁款。不過天氣轉涼，媽咪姐都佩服佢嘅勇氣同體質㗎﹗

露盡全球

白靈以鑰匙做概念、着咗等於冇着嘅衫出席電影《 The Key》首映，可惜彈多過讚，有啲網友仲話佢似足「脫衣舞孃」喎！

電影男主角 David Arquette當日都俾白靈呢身衣着嚇咗一跳。

人肉聖誕樹

白靈喺首映之後，又有驚人搞作。早兩日，以紅色緞帶作上衣，下身則以紅色皺紙環遮掩，成棵人肉聖誕樹咁喺洛杉磯地標 Capital Record Building影相。

白靈 97年因跟李察基爾合拍電影《紅色角落》俾大陸封殺，之後轉往荷里活發展。

2010年，白靈憑電影《三更之餃子》獲得台灣金馬獎最佳女配角。

鍾意就快D Share啦！

下一篇 》