掃呢頁CODE去手機

2014年12月5日 星期五

[忽然1周 - 1010] 鄰居爆料 周永恒拆蟹嘈天光 小三 Ruby霸大婆 Yu屋 Ruby,周永恒,劉伊靜,MW,




小三攝入屋

據街坊表示,早於一個月前爆出家暴事件後,小三 Ruby便趁阿 Yu搬回娘家住時,正式入住周永恒這間「人渣屋」,實行鵲巢鳩佔。

娛樂喧

鄰居爆料 周永恒拆蟹嘈天光 小三 Ruby霸大婆 Yu屋

自稱「人渣」的周永恒,自拋妻棄兩女後一直量地冇工開。至於小三 Ruby也相繼潛水,曾聲稱會與人渣恒斬纜的她,原來已悄悄進駐男方位於天水圍的寓所同居,實行鵲巢鳩佔瞓阿 Yu(趙頌茹)舊牀。

記者連日守候,發現周永恒淪為阿四,每日瞓到日上三竿便落街買二人分量飯盒回家餵新歡,日前他更在超市掃了八隻大閘蟹返歸和小三慢慢拆。不過有街坊投訴二人經常在深夜不斷發出聲響,垃圾又扔到一地都係,更旁若無人在屋苑走廊親熱,傷風敗德。

對於小三瞓自己舊牀,日前阿 Yu出席活動時說:「好肉酸!祝福佢哋囉!」







周永恒和阿 Yu三年前入住天水圍嘉湖山莊,翌年阿 Yu誕下細女愛希,一家四口靠周出福音唱片和拍福音電影維持生計。

周永恒先後涉嫌向老婆動粗及向外母吐口水被告上法庭,但最終獲法官放生。贏咗場交輸咗個家,自認人渣的他近日一直匿埋避世唔見人。

坐食山崩等餵飯

本性難移,周永恒絕無靜思己過,反而在家玩禁室培慾。據知他與介入自己婚姻的小三 Ruby一直未斬纜,上個月女方更大膽進駐人渣恒的天水圍翠湖居寓所,實行瞓阿 Yu舊牀。早前小三 Ruby曾化名在網上留言和上載照片,指男友沉淪性癖,又表示有人提議她玩 3P,作風大膽。

記者連日守候發現,周永恒與 Ruby之前一齊搞的模特兒公司,如今停止運作。而一直匿在人渣屋的 Ruby,同樣量地冇工開,連日來她都飯來張口,每日等周永恒落街買飯盒。周永恒有日到寓所樓下的超級市場,花$200買了八隻大閘蟹回家與 Ruby慢慢拆。據知有街坊向管理處投訴,當晚二人在深夜時分,多次發出碰撞聲,加上估計在酒精影響下,二人嘈到拆天,擾人清夢。

買蟹餵飽小三

以往和阿 Yu生活,買餸煮飯都由老婆負責,但自從同 Ruby一齊後,量地周永恒隨即降格做阿四。記者連日採訪發現,他經常一支公到街市買餸,更試過買八隻大閘蟹,餵飽長留家中的 Ruby。

阿 Yu無奈返娘家

圖片

阿 Yu當年曾表示兩公婆雖然並不富貴,但就窮得開心。估唔到老婆肯共患難,周最後卻打妻兼偷食。今年 9月阿 Yu已帶兩個女返娘家,並開始辦理離婚手續。

鄰居投訴深夜擾民

一名受影響的鄰居向本刊稱:「當晚半夜 12點聽到個男嘅大嗌,咆哮嗰種嗌,跟住又同個女仔發出撞門聲。你唔使做啫,我哋個個第二朝仲要返工返學㗎!其實佢哋平時扔垃圾已經好離譜,明明行多兩步就係垃圾桶,但佢哋就鍾意放啲垃圾喺垃圾桶側邊,又唔綁實個袋,啲餸頭餸尾搞到又腥又臭,未見過啲人咁乞人憎。」

記者之後又嘗試訪問與周永恒同座的住客,大家聽到當事人個名都避之則吉。其中一名街坊更對記者說:「我同佢唔同層,所以聽唔到,但管理處保安話佢哋好嘈,三日唔埋兩日就俾隔籬左右投訴,搞到差啲要報警。」記者日前曾訪問該棟大廈保安,但他以住客私隱為由,拒絕回應。

「人渣」情侶神憎鬼厭

自從 Ruby和周永恒雙宿雙棲後,天水圍街坊即時怨聲載道。事關二人不單公然在走廊攬啜抱,深宵更經常嘈到拆天,難怪街坊要向大廈管理處投訴。

走廊親熱

有女街坊透露,小三 Ruby經常着低胸吊帶衫出入,引來其他男街坊注視,她更試過和男方在走廊公然依挹,不少街坊均大嘆世風日下。

深夜嘈到拆天

與阿 Yu搞緊離婚的周永恒,自從引狐入室後,二人經常在深夜發出吵耳聲浪,時而音樂聲,時而碰撞聲,擾人清夢。

垃圾周處放

原本周所住的大廈後樓梯有垃圾桶,但他扔垃圾不單冇封實垃圾袋口,還到處亂放,滋生蚊蟲,烏煙瘴氣。

街坊稱眼寃

早前記者訪問周永恒所住大廈的街坊,其中楊太(左)表示:「早幾日喺超市見到個男嘅,見佢買咗好多嘢食同日用品,我冇見過個女人( Ruby),佢搶人老公,見到都眼寃。」

淫上腦

早前有網友踢爆小三 Ruby化名 SECRETNAME19,在網站的成人專區大放淫照,求教網友性技以取悅男友之餘,更大爆男方性癖。淫照淫褻程度直逼日本 AV片。

攞正牌偷情

周永恒未爆打老婆前,與 Ruby合作開 Model公司,攞正牌同小三寓工作於偷情。

阿 Yu表現冷淡

對於前夫的惡行,阿 Yu表現心淡。日前她出席活動時,直斥人渣恒「唔成熟」。

記:你知唔知 Ruby搬咗去天水圍同阿 Roy同居?

Yu(淡然說):哦!係咩?

記:佢哋仲成日嘈到拆天俾鄰居投訴!

Yu:佢咁大個人應該知自己點做,唔好再咁唔成熟。

記: Ruby瞓你舊牀喎,你嬲唔嬲佢?

Yu:吓!好肉酸。我睇清楚囉!睇清楚呢個人!其實唔想再回應關於佢哋嘅私人事。祝福佢哋囉!

記:同阿 Roy再見不是朋友?

Yu:我係一個成熟嘅人,有關於兩個女嘅事如果佢需要知,都會俾佢知。我哋依家分居狀態,總之我同佢之間只得兩個女。

阿 Yu:祝福佢哋囉

決意與人渣恒離婚的阿 Yu,早前出席活動時,坦言會和兩個女過新生活,更勸周永恒做人成熟啲。對於 Ruby瞓自己舊牀,阿 Yu說:「祝福佢哋囉!」

有心情扮靚

經過個多月的折騰,早前瘦到得棚骨的阿 Yu,近日終重拾心情買化妝品扮靚靚。

激動回應

日前,記者就小三 Ruby霸阿 Yu屋一事,訪問周永恒。最初他充耳不聞,徑自返回寓所,但又突然轉身走向記者身邊,激動地表示不要騷擾他。

見光速逃

吉屋藏嬌的周永恒,發現記者後,加速狂跑,並匿在暗角試圖擺脫記者,行徑鬼祟。

逃避贍養費

而之前一直表明「唔會離婚」的周永恒,據知其實有心逃避支付贍養費。一知情人透露:「阿 Roy(周永恒)話死都唔會離婚。我哋以為佢睇住啲女份上會改過,佢就話冇錢俾贍養費,話自己冇嘢撈,最好阿 Yu掉轉頭俾番佢。」目前阿 Yu自力更生,與兩女租住屯門一間四百呎的舊樓過新生活,亦簽了前英皇高層做其經理人,努力接 job出活動賺學費。對於前夫拒絕俾贍養費,阿 Yu苦笑說:「我係一個願意靠自己嘅人。」

記者日前亦嘗試採訪周永恒,最初他沒有回應,一支箭衝入大廈,但突然掉頭走向記者身旁。當聽到 Ruby的名字後,周即表現忟憎地說:「你哋唔好搞我!」匆匆跑回家中。

密密接 job

爆出家暴事件後,帶着兩個女兒重新生活的阿 Yu,反而得到廣告商青睞,近日密密接 job,事業露曙光。

活得比你好

邊個話結婚一定要靠老公?邊個話離婚唔可以靠自己?市面上好多失婚婦人頓變女強人,單是圈中已有不少好例子。

張栢芝 逢第二春

11年與霆鋒離婚的栢芝,以為佢會自暴自棄嗎?錯了。她洗盡鉛華帶兩子移民新加坡過新生,閒時上內地節目搵外快。早前本刊更在星洲拍得她已另覓新歡「鋼牙黃光亮」。

羅霖 復出拍戲

前年與劉坤銘離婚的 49歲美魔女羅霖,唔使死嘅!她復出拍廣告及出席一連串中港台公開活動賺幼子的學費,更接拍陶傑處男執導情色電影《愛•尋•迷》與關楚耀搞忘年戀,話題之作。

葉蘊儀 肥菜撐佔中

95年紅極一時的葉蘊儀與陳柏浩閃婚並退出娛圈, 4年後因老公偷食致離婚收場。為撫養一對子女,報讀博士及藝術課程,以教授黏土班賺錢。早前復出拍劇以「肥菜」一角大受歡迎,近日她高調撐佔中。



鍾意就快D Share啦!