全城熱爆的娛樂八封新聞 & 時事趣聞 & 生活 + 趣聞
潮煮番茄飯 王敏奕 post咗張呢期最 hit嘅番茄蛋飯，仲話整得好好味。查實煮法咁簡單，係咪要多謝個飯煲多啲呢？
今年初憑師奶劇《 M Club》飾演「少女李麗珍」上位、 22歲嘅王敏奕，同曾志偉個仔曾國祥拍拖近一年，仲經常孖住出巡，就算俾人話靠男友老竇上位，佢都好少理，索性搬埋去男友屋企住㖭。
既然一齊住一齊食，做埋煮飯婆又有乜所謂。呢日佢就 post咗張煮緊飯嘅相喺 Instagram，又曲線讚自己：「其實喜歡煮食除了是因為自己為食，還因為這會令身邊的人快樂，那我就會很快樂了。」噢！原來 sell賢淑，難怪出名多女性朋友埋身嘅曾國祥，會同佢拍咁耐拖
王敏奕同曾國祥成日將拍拖相放上網，完全唔介意俾人話愛得高調。
主動晒牀照，睇嚟王敏奕真係好寂寞，想向男友詐型，下次去玩預埋佢。
王敏奕（右）同李麗珍似唔似唔重要，但演佢「少女」時期而紅咗，好多人都恨唔到。 《蘋果日報》圖片
