2014年12月3日 星期三

[FACE - 393] 食碗底 扭計解約黐王晶 袁嘉敏起 Paco飛腳 袁嘉敏,黃柏高,Paco,王晶,MF,




袁嘉敏早前着三點式宣傳《鴨王》,自言將會喺戲中三點盡露。

真面目

食碗底 扭計解約黐王晶 袁嘉敏起 Paco飛腳

袁嘉敏今年 1月簽約 Paco旗下的太陽娛樂,喺《豪情 3D》、《屍城》等有大膽演出,嚟緊喺王晶嘅《鴨王》更揚言全裸露三點,長露長有。

不過袁嘉敏經常被批評態度差扮阿姐,據知 Paco其中一位拍檔股東亦睇佢唔順眼,一度想 cut佢工作,聞到𤓓味的袁嘉敏就趁住拍緊王晶套《鴨王》,提早向 Paco解約轉簽王晶,博做新一代晶女郎喎!

上月 Candy出席《屍城》首映,一身透視露背裙嘅 Candy突然摀低身走奶搶鏡,事後解釋只係想摸下喺地下扮喪屍嘅演員喎。

袁嘉敏(Candy)拍《豪情 3D》話露又唔露,終於王晶開拍《鴨王》,劇本同價錢都啱晒袁嘉敏心水,三點盡露原來等啱價。

「王晶好俾機會我!」

今年 1月簽約太陽娛樂後,雖然 Candy有戲拍,但宣傳焦點都唔喺佢身上,搞到 Candy喺《屍城》首映要𠌥低走奶博見報!據知 Candy唔只對外不得民心,在公司內, Paco其中一位股東亦一直睇袁嘉敏唔順眼,指 Candy態度差惹很多同事不滿,故此要求 Paco減少她的宣傳和見報。

Candy見勢色唔對,已諗住同 Paco提早解約,趁住拍《鴨王》期間黐實王晶,一解約就過檔。

上週五( 28日) Candy在電話中大讚王晶:「佢幾好,因為嗰陣喺 TVB出嚟,第二部就係拍《賭城風雲》,覺得佢好俾機會我,嗰陣我未有經理人,咁佢就搵我拍電影,所以覺得佢一路都對我幾好,王晶冇搵過我簽約,因為佢都好尊重我同太陽(娛樂)嘅合作。」問到同太陽關係時,袁嘉敏卻說:「我喺影視工作 11年喇(由在陳可辛的電影公司擔任發行開始計),佢哋有啲提議叫我點做,但我以前已經試過唔 work,我唔係新人嘛,我第一年入行就會聽佢哋多啲囉!」有晒弦外之音!

反口唔露

杜汶澤同袁嘉敏喺《豪情 3D》有大膽床戲,杜汶澤曾投訴 Candy話露又唔露, Candy則解釋自己只係配角而且片酬未足以要佢犧牲色相。

《屍城》入面 Candy同安志杰玩 SM,可惜宣傳就集中晒喺 Jessica C.度,有傳係因為太陽娛樂某股東唔想 Candy太出位所致。

《蘋果日報》圖片

袁嘉敏今年 1月至簽約 Paco旗下嘅太陽娛樂,就傳出提早解約轉投王晶嘅消息,但 Paco喺截稿前都未有回應。



鍾意就快D Share啦!
Related Posts Plugin for WordPress, Blogger...