掃呢頁CODE去手機

2015年1月2日 星期五

[忽然1周 - 1014] 亞視籌旗難 王征蔡衍明積怨深 亞視,王征,MW,




媽咪姐

亞視籌旗難 王征蔡衍明積怨深

亞視欠薪呢單嘢,搞到依家都只係出番 11月份一半糧,年尾流流,媽咪姐真係戥班員工慘!

執行董事葉家寶呢幾日唔係話搵緊「白武士」,就係叫第二大股東、旺旺集團老細蔡衍明注資出糧,講嚟講去 3幅被。但「白武士」當然係望極都未見,蔡衍明亦透過發言人講明唔想再俾人呃,唔會再注資!查實呢,有亞視中人同媽咪姐講,蔡生好唔妥亞視真正揸 fit人王征,覺得佢好唔俾面!好似幾年前,蔡衍明試過叫個仔入亞視 check數,點知王征竟然搵兩個保安「請走」阿蔡公子。嘩,幾百億富豪俾人咁樣落面,唔嬲到依家就假

周二( 30日),成班亞視高層開記招,嗌咗 3次「發揮亞視精神,迎難而上,堅持,不放棄。」跟住,咪又話等「白武士」囉!

蔡衍明入股亞視以來,都無得話事,勁不滿。



鍾意就快D Share啦!