2015年1月16日 星期五

[忽然1周 - 1016] 周杰倫娶昆凌 昆凌,周杰倫,MW,




媽咪姐

周杰倫娶昆凌

出道以來,換畫換唔停嘅周杰倫,終於肯停落嚟喇!會喺呢個星期日( 18日),佢 36歲生日嗰日去歐洲古堡行禮,娶 21歲嘅混血𡃁模昆凌。







嘩!老婆細佢成 15年喎! Work唔 work㗎?嗱,咁周董就同大家講,話昆凌好識遷就自己,好似去睇戲前會先問想睇邊套?就算周董揀嗰套唔係佢想睇嘅,昆凌都唔會反對。 Well,真係好順得人呢!但一個就晒另一個都未必係長遠計喎。媽咪姐就搵麥玲玲師傅傾過,佢建議話:「從命格嚟睇,周董嘅婚姻運比較唔穩定,婚後最好有多啲空間。周董多啲出埠賺錢,夫婦聚少離多反而容易維繫感情。(但周董話想生 5個喎!)生仔唔係問題,昆凌喺羊年同猴年都好大機會有 BB,而佢嘅命格應該可以生兩至三個。」

咁媽咪姐幾時都話,結咗婚先係另一個挑戰嘅開始!周董,醒定啲呀。

昆凌婚前盡力賺錢,嚟香港出活動又可以順手 shopping,爽!

早前,周董喺微博貼出佢同昆凌嘅世紀合照,嚟個婚前大解放!佢貼住女友,好鬼嗲。周生都承認自己比較大細路,所以同 21歲嘅昆凌相處最舒服。

上周六( 10日),昆凌(右)同助手嚟香港出活動兼辦嫁妝,佢用熊仔電話套,仲攞埋《反斗奇兵》隻粉紅熊上機。真係有童心!

2011年,周生被影到同昆凌孖住歐遊,戀情全面曝光。依家終於修成正果。

麥玲玲師傅:見少啲先 work!

愈愛愈嫩

2000年出道嘅周杰倫,除咗未停過咁 chok,亦未停過拍拖。大家比較熟悉嘅,有以下幾個。簡單嚟講,男人去到幾多歲,都想揀廿歲囉。

2000年出道嘅周杰倫,除咗未停過咁 chok,亦未停過拍拖。大家比較熟悉嘅,有以下幾個。簡單嚟講,男人去到幾多歲,都想揀廿歲囉。

欣賞溫嵐

周董公開表示過,一直欣賞細佢幾個月、台灣原住民歌手溫嵐嘅歌聲。初出道嗰陣,佢哋成日去睇戲食飯,但周董紅咗,情又淡咗。

搶愛侯佩岑

當年紅遍台灣嘅女主播侯佩岑,本來同連戰個仔連勝文拍拖,但 05年俾《忽周》影到同細佢一年嘅周董蜜遊日本。周董確係威!侯佩岑亦係昆凌外,佢唯一承認嘅女友。

傷透蔡依林

01年,周董啱啱上位,就開始同一樣係一線歌手嘅蔡依林傳緋聞。但周董身邊女人車輪轉,佢哋嘅關係欲斷難斷多年。 34歲嘅 Jolin遇上 model錦榮先漸漸放低,而周董始終最愛小女人。



鍾意就快D Share啦!
Related Posts Plugin for WordPress, Blogger...