2015年1月8日 星期四

[壹週刊 - 1296] 嗒嫩口法仔 designer  45歲張可頤:老外先滿足到我 張可頤,M1,




2/1 兩人情到濃時,更情不自禁攬攬抱抱,相當溫馨。

娛頭

嗒嫩口法仔 designer  45歲張可頤:老外先滿足到我

港視劇《來生不做香港人》引來不少觀眾關注,劇中飾演強悍霸氣港女「 An霸」的張可頤,入型入格,現實中,亦不愛拖泥帶水; 11年宣布同圈外男友曾安邦分手後,三年來無再拍拖,寧願一個人獨來獨往。

寧缺毋濫,「食齋」三年,張可頤終於有對象;新歡是個中法混血兒,叫 Leonard,今年三十七歲,比四十五歲的張可頤足足後生八年。拍拖見面,張可頤繼續發揮「 An霸」本色,俾錢埋單做埋司機,做晒主導。果然,要老外先可以滿足到張可頤!

望海談心

貼近民情,點出中港矛盾的港視劇《來生不做香港人》被熱捧,高登仔封為神劇,曾經攞過大台視后的張可頤,飾演強悍獨立女強人「 An霸」,上晒身!但現實生活中,張可頤正秘密與一名法國混血兒蜜運中。

上星期五(一月二日)傍晚,張可頤由元朗寓所揸車出尖沙咀海港城,泊車後,上了四樓平台的意大利餐廳 La Locanda,揀了張對住無敵維港景梳化位坐低;五分鐘後,一名老外出現,直接坐在張可頤身邊,同男友排排坐,一副冧樣的張可頤開心到郁晒手,十分忘我,完全冇理會附近的人眼望望。

二人交談夾雜中、英語,老外的廣東話亦頗為流利,間中張可頤又會晒幾句法文,取悅對方。雖然旁邊坐了不少客,但二人態度親暱,沒有避忌。

對住男友,張可頤彷彿回春,不經意托腮凝望,說話時又會掃住小腿,盡顯女性嫵媚;此情此景,同劇中經常黑口黑面的「 An霸」,有很大出入。

姐姐抱抱

High晒

對住男友,張可頤動作多多,表情豐富。

臨走前,張可頤幫男友著番件外套。

照顧周到

十四度低溫坐露天位,男友見張可頤覺凍,立即為她加衣,又主動點了杯熱飲,相當細心。一餐飯 hea足兩個鐘,埋單時,張可頤又突然「復發」,霸住爭俾錢。臨走前,二人靠在 bar枱咬耳仔,傾傾吓,仲忍唔住攬實。

第二日,張可頤再出動到尖沙咀 shopping,在連卡佛男裝部,由鞋、銀包睇到電腦袋,再去埋家品部揀床單,其間張可頤一直傾住電話,全程英語,似是為男友遙控揀床上用品。

本週一(五日)晨早十點,記者發現張可頤和男友在九龍塘又一城歎早餐,同枱還有兩位女性朋友,是日有其他人在場,張可頤和男友表現雖不比之前親密,不過亦經常攞住 iPad一齊睇,睇吓又互相對望一眼,心有靈犀。

食完早餐,張可頤就做司機送男友返工,當駛到觀塘附近,她發現有記者尾隨,立即狂 cut線撇。

咬耳仔

他們大多數時間用英文交談,但當中有夾雜廣東話,不過有時候他們又會咬耳仔講悄悄話。

埋單

張可頤唔似一般港女,唔使男友埋單,喺英國讀過書,果然係有鬼妹仔性格。

托腮

Dry了三年的張可頤,對住新男友即刻回春,做出托腮摸小腿等少女動作。

摸腳

法國邂逅

據了解,張可頤的新歡是一名中法混血兒,今年三十七歲,叫 Leonard,在香港住了幾年,任職設計師,所以略懂講廣東話。一年多前,張可頤去法國旅行時由朋友介紹認識對方,當時 Leonard是放長假返法國,所以有時間充當導遊,陪張可頤周圍去,返港後,兩人仍然有保持聯絡,直到大半年前,開始頻密約會,男方為投其所好,不時主動約張可頤行山做運動。

「其實 Maggie(張可頤)最初都有擔心過對方細過自己,唔係咁好,又怕對方玩玩吓,但係經過一段時間觀察,佢覺得 Leonard好好仔,於是俾個機會大家,但佢哋開始咗無耐, Maggie就要返上海三個月拍戲,上個月初先返嚟,但好彩都仲 keep到。」張可頤友人說。

5/1



張可頤特登一早去到又一城陪男友食早餐,兩人更不時攞住 iPad一齊研究。

食完早餐張可頤更做埋司機載男友返工。

最近張可頤在《來生不做香港人》表現備受讚賞,同劉美君及潘燦良擦出火花,該劇貼近現時社會話題,被高登仔封為神劇。

一年多前張可頤去歐洲旅行,在法國認識 Leonard。

一場誤會

對於同細八年的法仔拍拖,張可頤在電話作回應。

壹:早排你俾人影到有個四眼男去你屋企過夜?

張:真係一場誤會,嗰日有好多朋友嚟我屋企食飯,佢係其中一個,根本乜嘢都冇發生過,冇過夜,我哋絕對唔係拍拖囉!

壹:目前有冇男朋友?

張:我未結婚,當然有正常社交,男性同女性朋友都有好多。

壹:即係有冇拍拖先?

張:咁行街睇戲食飯一定有,呢啲係好正常社交。

壹:你同緊個老外拍拖?

張:(企圖扮傻)外國人?邊個吖?

壹:影到你哋喺尖沙咀同又一城嗰個!

張:哈……哦嗰個,佢係我一個好好朋友嚟啫。

十年前張可頤拍纖體廣告,泳衣上陣,無論身材同樣貌都索爆,十年後經歷了甲狀腺病纏擾幾年,目前四十五歲的她都算保養得好。

3/1

張可頤到尖沙咀連卡佛 shopping,專睇男裝同床上用品。

唔怕姊弟戀

壹:你哋都見得好密!隔兩日就見一次。

張:唔係好密啫,朋友見面食飯好正常,你哋唔使咁緊張。

壹:係唔係拍拖?

張:哈哈……我諗暫時嚟講都係太早,我自己都唔知……

壹:你本身介唔介意同外國人發展?

張:其實身邊都有好多來自唔同地方嘅朋友,識朋友唔會分國籍,緣分嘅嘢我覺得冇分國界。

壹:係咪同外國人仲易溝通到?

張:如果有得揀,我係一個好需要空間嘅人,好 enjoy工作,我覺得外國人比香港男仔滿足到我呢方面嘅要求。

壹:介意姊弟戀嗎?

張:其實對方唔係大過你,就係細過你㗎啦,唔使咁敏感嘅。

冇米粥

入行 20年,張可頤甚少公開承認男友身份, 11年與做金融的曾安邦分手後,過去幾年,感情一直冇着落。

上市公司主席董波

入行前,與內地公司主席董波拍拖八年,入行後,因聚少離多分手;直至 05年,張可頤再被拍到與董波夜蒲後當街激吻,被指舊情復熾。

經理人陳容森

98年,被揭與經理人陳容森同居,拍拖七年,有傳因台灣奀星傅天穎介入而分手。

金融才子曾安邦

08年,張可頤主持資訊節目《更上一層樓》認識坐擁十億身家的金融才俊曾安邦,二人火速過電,拍拖三年,因抵受唔住男友催婚逼生仔,分手收場。

外國口味

愛情無分年齡國籍,圈中不少中女與「港男」拍拖冇結果,口味都轉趨國際化,加上嫩口老外唔介意女友年紀比自己大,大把得揀。

劉美君

在《來生》與張可頤做姊妹的劉美君,一樣喜歡「外國菜」。經歷兩次婚姻破裂, 09年被踢爆與細她七個月的德日混血男友 Steve撻着。劉美君更不時在微博晒甜蜜合照。

張曼玉

02年與法國導演 Oliver Assayas離婚後,男友清一色外國人,試過搭上細自己七年的德國建築師男友 Ole Scheeren,去年初更驚爆「母子戀」,與足足細十五年的鬼仔 Band友 Adrian拍拖。

(《蘋果日報》圖片)

周汶錡

與年輕她三年的有米法籍男友 Julien Lepeu拍拖六年, 12年「姊弟戀」修成正果,二人於法國拉埋天窗, 180名賓客專程飛赴法國觀禮。

(《 Face》圖片)

官恩娜

今年將與中法混血醫生男友拉埋天窗,未來另一半細自己三年,雙方是透過 speed dating認識,食咗一餐飯就撻着。



鍾意就快D Share啦!
Related Posts Plugin for WordPress, Blogger...