2015年1月8日 星期四

[壹週刊 - 1296] 阿倫入行 40年 志偉頂酒得把口 志偉,譚詠麟,阿倫,曾志偉,M1,




個個都話要敬校長一杯,志偉又醉先,校長唯有自己頂。

同你吟一吟

阿倫入行 40年 志偉頂酒得把口

上個禮拜二(十二月三十日)晚,環球唱片响九展筵開 40席,慶祝校長譚詠麟入行 40周年,唔少圈中人都有俾面出席,除咗溫拿成員,仲有阿姐汪明荃、羅家英、曾志偉、李克勤,阿叻同秀姑仲捧住支 Magnum嘅 94 Lafite到場,擺到明要大家不醉無歸。

為咗搞㷫現場氣氛,大會安排歌唱比賽以及猜包剪揼環節娛賓,所有輸家都要罰飲酒,雖然校長冇份玩,但亦難免飲番兩杯。唔想主人家飲醉,曾志偉第一個拍心口話要幫校長頂酒,點知開席無耐,志偉已經醉到不省人事,更被校長影低罪證。

來賓都係校長多年好友,就連頭頭碰着黑,寶貝仔房祖名犯官非,新戲《絕地逃生》攝影師陳國雄遇溺身亡後,俾人貼大字報唱衰嘅成龍都有蒲頭。係就係好俾面,不過成龍黑成咁,校長都係同佢保持距離好。

清醒來

一早就飲醉嘅曾志偉,俾校長影低晒罪證:「此君本來說要在我的派對上替我頂酒的,乳豬之後就這樣了真靠不住!」

瞓住走

阿叻帶埋支 Magnum到場,擺明要「隊」冧校長。

成龍單拖現身,聽講仲做咗咪霸,唱咗成個鐘。

由寶麗金到環球唱片,校長入行 40年一直都冇轉公司,環球當晚頒發「亞太區銀河歲月四十載至尊榮譽」獎座俾校長,成班唱片高層仲一齊影大合照。



鍾意就快D Share啦!
Related Posts Plugin for WordPress, Blogger...