個個都話要敬校長一杯，志偉又醉先，校長唯有自己頂。
同你吟一吟
阿倫入行 40年 志偉頂酒得把口
上個禮拜二（十二月三十日）晚，環球唱片响九展筵開 40席，慶祝校長譚詠麟入行 40周年，唔少圈中人都有俾面出席，除咗溫拿成員，仲有阿姐汪明荃、羅家英、曾志偉、李克勤，阿叻同秀姑仲捧住支 Magnum嘅 94 Lafite到場，擺到明要大家不醉無歸。
為咗搞㷫現場氣氛，大會安排歌唱比賽以及猜包剪揼環節娛賓，所有輸家都要罰飲酒，雖然校長冇份玩，但亦難免飲番兩杯。唔想主人家飲醉，曾志偉第一個拍心口話要幫校長頂酒，點知開席無耐，志偉已經醉到不省人事，更被校長影低罪證。
來賓都係校長多年好友，就連頭頭碰着黑，寶貝仔房祖名犯官非，新戲《絕地逃生》攝影師陳國雄遇溺身亡後，俾人貼大字報唱衰嘅成龍都有蒲頭。係就係好俾面，不過成龍黑成咁，校長都係同佢保持距離好。
|
鍾意就快D Share啦！
|
|
|
