全城熱爆的娛樂八封新聞 & 時事趣聞 & 生活 + 趣聞
照顧小蟹籽，搞到自己都唔多妥嘅呂慧儀，要老公幫手湊仔。
養兒一百日，長憂九十九！呢句說話，對於新手父母呂慧儀同老公黃文迪嚟講，一定有好深體會。早排囝囝「小蟹籽」黃柏翹感冒發燒，兩公婆一齊出動，帶 BB去佐敦睇醫生。
當日由黃文迪負責抱 B，小蟹籽個頭仔一直伏响爸爸心口，發燒唔舒服，陰功豬！殿後嘅呂慧儀，冇化妝，自己亦一臉病容。照顧小朋友，真係仲辛苦過通宵拍劇，上心嗰吓，至攞命！
兩母子一齊病，呂慧儀响微博話原來係經錫錫互相傳染大家。
診所多病菌，小蟹籽睇完醫生，戴住口罩嘅黃文迪先抱囝囝落樓，留低呂慧儀等攞藥。
