亞視無糧出，早前花姨宮雪花當住王征面叫佢「法輪功」，即係發人工。
同你吟一吟
亞視等死 王征安樂伴遊
傳聞王征開價 17億賣亞視嚇走買家，交易唔成，最慘係班員工，舊年十一月嘅糧，只係出得一半，白武士未出現，亞視撲水出糧，唯有將廣告收費大劈價，三萬蚊播 80次 30秒廣告，平均每次只係$375，平通港九。
口口聲聲話自己已經完成歷史任務，唔會再注資嘅亞視大股東王征，員工冇糧出，佢照樣瞓得着食得落。上星期五（一月二日），王征陪住幾個講普通話嘅男女行圓方 shopping。其間同朋友有講有笑，心情靚爆。
就算執行董事葉家寶一再表示有十幾個投資者打算買亞視，但一班員工分分鐘要勒住肚皮過年，王征見死不救，只會成為歷史罪人。
|
鍾意就快D Share啦！
|
|
|
