【短片】【凌晨爆大鑊】思琦湊放學 聞吳帥搶女即笠水
2015-01-08 06:42:00
楊思琦當年在美國未婚生女後，與「空心老倌」吳帥劃清界線，獨力照顧囡囡楊卓穎（Krystal），多年來一直母兼父職努力搵錢，不過今日有傳失蹤兩年幾的吳帥，忽然踩上思琦位於將軍澳寓所，大力拍門求見囡囡，思琦拒對方入屋，只答應外出傾談。與此同時，更有指欠債纍纍的吳帥，一直龜縮內地南通市，即使與楊思琦分開仍借舊女友招搖撞騙找着數。
思琦今日與媽媽齊齊到學校接Krystal，全程講電話的思琦收線後才上樓會合楊母，過了放學時間，只見楊母先行落樓，大約過了10分鐘左右，才見到思琦母女現身。對於有傳吳帥上門爭囡囡，思琦說：「呢啲嘢我唔回應，已經講晒，冇呢件事！」她亦叮囑記者避免將Krystal攝入鏡，接着思琦登上一部黑色七人車離去。
思琦在電話中否認爭囡囡，她說：「哎吔，我睇到都覺得好好笑囉，新聞一則，完全冇呢樣嘢，又冇哭訴，我只係話我唔作回應。」思琦直言不想再提過去，她說：「其實任何人走嚟問我係咪有件咁嘅事，我都唔會再答，我真係唔再講，冇嘢要回應。」再被追問有沒有發生過？她說：「都話冇呢件事，成件事冇發生過，冇唔開心，亦都冇哭訴，大家笑吓算。」問囡囡有沒有找Daddy？她避談說：「唉，祝大家生辰快樂總之佢o依家好開心。」她表示現在只希望努力賺錢，問有沒有為囡囡設儲蓄基金？她說：「每個父母都會為自己小朋友打算，好正常，加油但冇乜嘢基金，我嘅錢等於佢嘅錢啦。」她透露早前一家人到美國探哥哥，故心情好愉快，問有沒有追求者？她說：「冇發現呀。」首要條件是否是錫囡囡？她說：「唔諗咁多嘞，到時先算啦。」
(左 圖片 右 攝影:黃曉程)
思琦近期又俾人問起吳帥嘅事。
今日佢去湊囡囡放學
一聽到吳帥就落晒閘
|
鍾意就快D Share啦！
|
|
|
