2015年2月19日 星期四

[忽然1周 - 1021] Ana R.愁爆㩒電話 Ana R.,MW,




呢晚 Ana R.去睇電影《格雷的五十道色戒》首映,個樣都係好 cool吓。查實放鬆啲心情, BB都易有啲

《蘋果日報》圖片

媽咪姐

Ana R.愁爆㩒電話

話咁快又過農曆年,媽咪姐呢啲師奶仔梗係去上環辦年貨咁啱又撞到名模 Ana R.行過,仲以為佢同媽咪姐一樣,想買啲靚料煲湯俾開獵頭公司嘅有米老公飲㖭!之但係 Ana R.行咁耐都係做低頭族,掛住㩒電話,就算等紅綠燈、過緊馬路定行緊,佢都未抬頭望過條路一眼。媽咪姐都知佢不嬲戀愛大過天,就算婚後對老公痴纏都好正常,但佢篤電話個樣皺眉頭,又鼓起泡腮,睇嚟又關想生 B事喎。查實今日唔知聽日事,或者踏入羊年就有好消息呢!

就連等過馬路, Ana R.都唔睇燈,淨係掛住低頭㩒㩒㩒。危機感差咗啲喎!

唔知咩事, Ana R.篤完一輪手機,鼓起泡腮唔多開心。唔通又為生 BB問題同老公有意見?

鍾意就快D Share啦!
Related Posts Plugin for WordPress, Blogger...