[FACE - 402] 天堂鳥心心舞示愛 闊太祖兒夜場揀仔 祖兒,天堂鳥,容祖兒,MF,

拾音社戲中做番歌手，為咗揮低其他人，兩人就跳上年洗腦之作〈 Kiss Kiss Kiss〉，不過祖兒嘅表情就擺明唔多受落囉！

#祖兒#冧闊太#拾音社

貼圖區

天堂鳥心心舞示愛　闊太祖兒夜場揀仔

吳君如監製兼主演的《金雞 SSS》，去年大收 4千萬，仲成為全年票房最高嘅港產片，巧威威㗎！食過翻尋味，吳君如今年開拍新戲《 12金鴨》，不過今次唔再做「雞」，反串做「肌」鴨！

一如以往，吳君如碌盡人情牌搵嚟巨星坐陣，今次有古天樂做健身教練兼做「鴨」，仲出埋「美男計」色誘欣宜添！至於做闊太嘅容祖兒，其中一幕會落夜場揀「仔」， MK-Pop嘅代表天堂鳥同拾音社仲會各施奇技，最後天堂鳥嘅心心舞成功揮低對手，冧得闊太祖兒歡心！有梁洛施、容祖兒，仲有女神陳妍希等巨星，要贏埋今年賀歲冇難度

天堂鳥除咗跳〈登陸太陽〉，仲跳埋 hit爆韓國嘅心心舞，三個心心仲成功攻陷祖兒添！

#天堂鳥#豁出去

飾演闊太嘅容祖兒，因為要搵合適嘅男仔拍檔演出籌款節目而空降夜場揀仔，排場仲似足女皇，施施然坐係度慢慢揀。不過佢同男友劉浩龍就冇對手戲囉！

闊太容祖兒空降夜場揀仔，隨即成為一班餓男嘅目標，飾演富二代嘅吳君祥（即係君如細佬、江美儀條仔！）仲送埋花，不過最終都係得個吉。

古仔平時都有鋪健身癮，今次為咗套戲仲特登加重操練，結實嘅胸肌同一對麒麟臂，相信令一班粉絲們嗌爆喉嚨。

#欣宜#肥妹

古仔冧女有一手，為咗教肥妹欣宜減肥，仲用扮啜啜來氹欣宜完成，女士們睇完都應該會葡萄囉！

#健身教練#冧客

古天樂正職做健身教練，私底下都係一隻「鴨」，所以工作上就好識利用自己嘅身材同樣貌去取悅女士們，當然梗係唔少得被肥妹抽水啦。

欣宜話拍呢部戲要多謝導演攤叔（鄒凱光）：「導演好錫我，因為可以同全香港女仔都被佢迷到嘅古天樂有對手戲，仲有好 close嘅身體接觸，真係好開心㗎！」

新戲《 12金鴨》有超過 30位巨星演出，一張戲飛價錢就有得睇，抵到爛！

鍾意就快D Share啦！

下一篇 》