網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年2月4日 星期三

[FACE - 402] 大出血 拒着服裝間臭衫 謝安琪貼錢做白殭屍 謝安琪,MF,




《殭》上週五( 30日)到西環殮房取景,咁啱謝安琪全身純白 look勁有邪 feel,不過佢着住對 5吋高踭鞋,勁有拍 MV feel喎!

真面目

大出血 拒着服裝間臭衫 謝安琪貼錢做白殭屍

幫大台拍劇有咩好?入到屋增加強國知名度囉,唔通為錢咩?宅男女神排名第一位嘅謝安琪最近亦為更加「入屋」,所以拍大台劇《殭》,劇中拍視帝鄭嘉穎, 4月外景仲會到荷蘭取景。

難得大台出手闊綽,謝安琪亦不惜工本,除咗接受唔到大台服裝間啲萬年二手臭衫外,盡出私伙衫。上週五( 30日)到西環拍外景,更帶同私人助手、化妝、髮型三人兵團跟足全場,每日貼錢開工,好在白殭屍造型咁靚先抵番囉!

37歲謝安琪雖然已係人妻,但網上人氣一直高企,多年來都係宅男女神冠軍,最近為咗更加入屋,終於同老公張繼聰一樣去大台拍劇,孭頭炮新劇《殭》有謝安琪拍視帝鄭嘉穎,由《衝上雲霄 II》陳維冠監製,更會去荷蘭取景。

劇中謝安琪同鄭嘉穎有感情綫,雖然謝安琪有幾次 NG,不過嘉穎都冇詐型。

3人整屍頭

為咗呢套劇謝安琪不惜工本,助手、化妝、髮型全部私人貼錢,一停機就自動圍住謝安琪。

開工一拖三

大台咁揼本,謝安琪亦好識做,雖然天后級拍劇,但據知酬勞只是「膊頭價」,難得謝安琪冇將價就貨,為呢劇做咗準備,上週五( 30日)到西環殮房取景,堂堂天后當然唔會着啲大台萬年戲服,而且每次開工謝安琪都自備私人助手、化妝、髮型跟場。

現場所見導演一停機,三人即品字型圍住謝安琪,同場視帝鄭嘉穎反而冇人理。由於首度拍劇謝安琪亦有幾次 NG,不過為惡補演技,除咗老公張繼聰探班,連張繼聰演藝同學朱凌凌獨立樂隊成員白只,雖全無拍劇經驗只做過舞台劇,亦經常跟住謝安琪,幫佢背對白同教做戲。做咗天后都咁好學,謝安琪呢啲員工真係超抵用!

網上圖片

成腳瘀

網上圖片

勤練功

劇中謝安琪飾演殭屍,亦有不少動作戲,開工前兩個月特別跟一眾武指練功夫,大台有幾何咁認真呀。

網上圖片

老友教戲

為咗拍好呢套劇,謝安琪仲揾咗白只幫手,幾乎每日教佢做戲及背對白,連外景都跟埋場。

網上圖片

白只同張繼聰為演藝學院同學仔,也有豐富舞台劇經驗,絕對幫到拍劇新丁謝安琪啦。

網上圖片

謝安琪大戰陳山聰

謝安琪、鄭嘉穎嘅新劇《殭》,謝安琪除咗係殭屍亦係法醫,而鄭嘉穎為不死人兼專捉殭屍,當然會發生感情,然後合力打 Final Boss陳山聰。兩位主角角色設定極似當年亞視作品《我和殭屍有個約會》尹天照、萬綺雯一個殭屍,一個捉妖。

亞視套《我和》到𠵱家都仲有人講,唔知大台呢套《殭》超唔超越到呢!

大奸角 陳山聰

•劇中飾演殭屍追殺謝安琪、鄭嘉穎。

女二 陳凱琳

•謝安琪妹妹,會同謝安琪爭鄭嘉穎。

男二 陸永

•劇中飾演謝安琪學生,同陳嘉寶有感情線。

女三 陳嘉寶

•黃又南妹妹,同陸永談情。

外援 黃又南

•劇中為陳嘉寶阿哥,暗戀陳凱琳。

鍾意就快D Share啦!