網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年2月4日 星期三

[FACE - 402 - 大專校園] 留學紐西蘭超慳 富家女 Mandy紙皮照執 Mandy,Mandy Lieu,MF,




Profile

黎熳婷  Mandy  20歲

紐西蘭威靈頓維多利亞大學市場系 Yr.2

維多利亞大學(世界大學 500強排名 151)喺當地都算名校, Mandy話佢初初喺紐西蘭讀書其實成績麻麻,第 1年讀 4科肥咗 3科,之後因為唔想再嘥屋企人錢所以發奮讀書,依家已經冇再肥佬。

U花 U草

留學紐西蘭超慳 富家女 Mandy紙皮照執

高登仔成日強調「成功需父幹」,的確有個威猛老豆,講句嘢都霸氣啲,睇吓 689女梁齊昕你就知,請星級化妝師化妝兼戴隻 5萬卡地亞名表做訪問,一開口就話「我係梁齊昕, that's enough!」,自信到冇朋友。

話到明係慳妹,「執紙皮」呢個指定動作又點少得呢?不過唔係拎去賣,佢執嚟搬屋用啫,仲話:「有得執仲咩唔執?唔通特登買咩!」你又啱喎!

不過現就讀紐西蘭維多利亞大學市場系 Yr.2嘅黎熳婷( Mandy),雖然家境冇齊昕咁富裕,但都屬於唔憂柴唔憂米類型,每個月兩萬元生活費,不過佢喺紐西蘭都冇大花筒亂使錢,「我好慳架,每樣都諗過度過先買!唔想嘥屋企人錢!」

20歲出頭的 Mandy,爸爸代理內地報紙生意,中四開始 Mandy已經過咗去紐西蘭讀書,學費生活費全由家人負擔。不過 Mandy直言係慳妹一名,使一蚊都認真諗過:「其實屋企人每個月都會俾 3000紐幣我作為生活費(大約$20000港幣),不過租樓加水電媒已經去咁一半,而且紐西蘭買嘢食嘢都好貴,食嘢多數自己煮,通常去一次超市買晒一星期食材,限住 300蚊港紙。因為食一餐 Subway都要 80蚊,我未識搵錢,唔可以大花筒。」之前 Mandy因為約滿搬屋,就去當地超市外執紙皮盒裝雜物,堅係慳㗎!

Mandy每年放暑假都會返嚟香港一次,佢就話係自己購物嘅大好時機:「香港有好多鋪頭賣 6、 70蚊件衫,但紐西蘭就貴成幾倍,普遍都要 2、 300蚊,波鞋就算唔係名牌,本地 local嗰啲都要 500蚊,而且 10間有 9間啲貨都一樣,唔似香港咁多細鋪頭咁多款式,慢慢揀吓好開心㗎!」

Mandy係芭蕾舞高手,做職業芭蕾舞員要考 6個試,佢已經考咗其中 4個,不過近呢 2年佢話因為忙於讀書所以冇跳落去,跳咗咁多年舞,對腳都冇變粗喎!

假期除咗同男朋友留喺屋企「煮飯仔」煲電視劇, Mandy話最佳嘅消遣活動就係郊遊,一嚟唔駛使錢,二嚟紐西蘭啲風景咁靚,梗係要去多啲!

Mandy話唔好睇$3000紐幣(約$20000港幣)一個月生活費好多,除咗租樓住,燈油火蠟去咗一大半,物價指數仲要貴香港幾倍,所以佢要「節流」之餘,都要「開源」做兼職侍應賺外快。

鍾意就快D Share啦!