2015年3月18日 星期三

安全檢查 河蟹冇黑警 《使徒》電影版飛甩歡喜哥 [FACE - 408] 歡喜哥,許紹雄,MF,



《使徒行者》電影版林峯、阿佘當然繼續孭飛,據知女角暫時得阿佘,戲分唔駛擔心,林峯對住 4位加盟男角,戲分一定冇咁搶。

真面目

安全檢查 河蟹冇黑警 《使徒》電影版飛甩歡喜哥

《衝上雲霄》電影版雖然被高登瓊姐喪插不知所謂,但愈鬧愈多人睇,香港收過二千萬,大陸叫唔收得都過億。

有得賺大台當然食住條水,上年叫好叫座的《使徒行者》即刻拍板開電影版,除咗林峯、佘詩曼等埋位外,仲傳有古天樂、張家輝、劉青雲加強國小生郭濤加盟。卡士升呢,但劇情降呢,當日全民估黑警情節為遷就國內市場被率先河蟹,最慘連巴打最愛嘅歡喜哥許紹雄都冇埋,連佢都話:「我未收到通知喎!」

許紹雄喺《使》劇戲分重又搶,電影版冇佢,網民必定失望。

網上圖片

大台上年最收得劇集《使徒行者》最高 35點,開拍電影版事在必行,雖然《衝上雲霄》電影版被人喪插,但票房收得,大台當然唔放過搵錢機會,今次有傳《使徒》電影版仲搵嚟古天樂,劉青雲、張家輝助陣,為食埋大陸票房,更會硬加喺《爸爸去那兒》爆紅嘅郭濤幫手。

Benz:未收到通知

要打入大陸市場,除了要有大陸演員,劇情都要合乎「國情」,所以《使》劇中黑警全面消失,更要加插大陸打貪情節,絕對跟住習總近年打貪嘅節奏。鞋油落到足,北上攞批文冇難度,除咗情節要犧性,就連網友最 like嘅歡喜哥許紹雄都冇埋影,當日歡喜哥超 hit有傳開前傳,但𠵱家情節全改,又多巨星,歡喜哥都冇定企,而許紹雄週日( 15日)喺電話回應未收到通知開工,他說:「其實都係聽你哋講,我就仲未收到通知,(冇得拍電影版會唔會失望?)唔會,唔會覺得可惜,做演員係被動嘅,公司開咪開囉。我嚟緊都要北上拍大陸劇。」歡喜哥好多嘢撈,唔拍大台電影都唔使擔心。

5萬登台價

雖然許紹雄冇份拍電影,但食住歡喜哥個朵都接唔少登台騷,他說:「好多人搵我,超過 5萬一場騷㗎,唔想接喇,自己都唔係唱得好。」

網上圖片

15萬一集內地劇

除咗大台,許紹雄亦經常北上拍劇,據知 15萬人仔一集,最近先同黃宗澤拍完《偏偏喜歡你》,邊使替佢擔心!

網上圖片

死完翻生

《使徒行者》唔少角色喺劇中死去,不過高 ling咁得寵,梗係會翻生喺電影版出現啦。

網上圖片

四猛男襯佘

強國人睇戲卡士先決,搵到乜人拍幾乎已決定你套戲喺強國收幾多,加上有傳大台一心想借勢捧佘詩曼上電影一線,咁林峯呢?

張家輝

古天樂

劉青雲

郭濤

電視劇變電影

《衝上雲霄》收得,證明觀眾對電視劇變電影係有市,嚟緊除咗有《使徒行者》,仲有 n年前嘅《十月初五的月光》,加埋 hktv神劇《選戰》都有電影版,好好景呀!

《選戰》第一輯收得,但第二輯開拍無期,有傳先拍電影版先,希望唔好似咁《衝》完全改晒

劇集變電影嚟緊仲有《十月初五的月光》電影版,男女主角亦係張智霖加佘詩曼!

鍾意就快D Share啦!
Related Posts Plugin for WordPress, Blogger...