掃呢頁CODE去手機

2015年4月17日 星期五

死唔斷氣 亞姐搬上青島搞 [忽然1周 - 1029] 亞姐,亞洲小姐,MW,



周二( 14日)朱慧珊、劉錫賢、蔡國威同葉家寶開會傾藝員前途問題,佢哋話亞視好 open,俾佢哋傾其他公司。咁搵定後路喇!

媽咪姐

死唔斷氣 亞姐搬上青島搞

今期港姐戀事多,咁亞姐呢?嗱,上期咪講過,亞視因為收到贊助,所以點都會搞末代亞姐嘅。媽咪姐啱啱仲收到風,佢哋今次放棄咗香港賽區,搬上青島搞,完全投入強國懷抱呀!亞視助理副總裁趙汝強已經上咗去睇景㖭。都啱嘅,之前《忽周》先踢爆亞視搵身為內地人嘅亞姐落香港做黑工,依家亞姐返上強國搞,就唔怕俾人拉

不過,一班亞視員工仲係生死未卜!唔知係咪被遣散?執行董事葉家寶周二( 14日)就同佢哋開會講, 5月前會迫股東及管理層作出交代。有去開會嘅老臣子劉錫賢同朱慧珊被問到係咪繼續留守?劉錫賢就好老實話:「我只能夠講呢一刻仲係,等埋 4月,遲啲真係唔知!」咁末代亞姐即使搞得成,到時啲司儀呀表演嘉賓呀,可能冇個係「自己人」喎。不過,唔緊要啦,亞視嚟嘅!

講你先會知,上屆亞姐冠軍叫張軼君,最近爆料,話當選個后冠其實仲未到手!咦,咁今屆又頒膠冠頂住呀?

亞視助理副總裁趙汝強(右)啱啱同亞姐監製周啟棠(中)上青島睇景,據聞仲想搵買家。唉,算罷

鍾意就快D Share啦!