2015年4月1日 星期三

真人示範 孖富二代百萬開鋪 真身 Cammi"唔執相係咁樣" [FACE - 410] Cammi,謝芷蕙,MF,



雖然已經有年多沒有做公開活動,但 Cammi面對鏡頭仍然識自動波擺 pose,多得平日 keep住自拍練習。

真面目

真人示範 孖富二代百萬開鋪 真身 Cammi"唔執相係咁樣"

𡃁模始祖周秀娜( Chrissie)愈撈愈掂,又拍電影又開鋪頭,仲買埋樓添!不過呢行又有幾多個娜姐?

出道近 5年,曾經有過唔少負面新聞嘅 Cammi(謝芷蕙), 13年搭上國內富二代阿杰,拍拖年多感情穩定,已經有兩年多經營網店經驗的 Cammi,近日冧掂男友夾份開鋪,花 7位人仔在廣州開一千三百呎的自家服裝店。剛踏入 20歲的 Cammi榮升老闆娘,搵個好男友好過搵份好工至於人人好奇佢個樣點進化,今次《 FACE》專訪就零距離同 Cammi驗下個樣先!








11年做𡃁模入行,儲落少少錢後, Cammi已急不及待在網上開店賣衫,一圓做老闆夢。

零執原圖

本刊攝影師幫 Cammi影相,色 tone比較自然,正常冇修圖咁囉!

神器 PS

Cammi利用自拍神器(小圖)影完嘅相,圖都未修就有呢個效果,佢話自己冇再加工喎!

親眼見少包面

「自己對服裝、時裝、得意嘅嘢都有興趣,所以我就開咗間網店。開頭其實唔使好多成本,咁我有做開登台 job,都好夠我去經營一個網店。一開始入貨只係攞咗 3千蚊啫!」

16歲便在網上做生意,初時小試牛刀,所有工作自己一手包辦。「開頭都係自己親手包貨、剪線頭,全部都係自己親力親為,比做 model花更多嘅時間。」期間 Cammi一直有做 model,雖然部份網友經常講 Cammi疑似整容,但長腿加 P圖令 Cammi的網上商店追隨者不斷增加。「講過好多次,其實我覺得好煩,都講過我係整過雙眼皮,我覺得無咩特別啫!」採訪當日,記者留意到 20歲的 Cammi無論手臂或是大腿仍然有 baby fat,面頰亦有點包包面,而且膚色未似修圖後白滑,「喺廣州生活,可能空氣差,食嘢又油,皮膚都差咗好多。」自拍神器功用果然好大, PS女王不是浪得虛名。

經營網店兩年多,加上 13年與現任富二代男友杰少拍拖, Cammi與男友一人夾一半,裝修連租金用近百萬人民幣,在廣州天河區完成「開一間粉紅色 fashion shop」的夢想。

「因為我男朋友喺廣州,咁我經常都會上去十幾日,佢屋企人做服裝,我男朋友果邊可以多啲嘢幫到我,無咁亂。」

去到邊, Cammi都鍾意影相留念,或者 sell吓自家鋪頭嘅貨品,但大前提係,無論衣着或者樣貌都吸引到人至得囉!執過相係白滑晒

網上圖片

唔睇身材, Cammi除咗一副公仔臉之外,長腿其實都好吸引。

網上圖片

富二代男友好識做, Cammi一句因為三層高蛋糕好有公主感覺,結果男友連續二年都專登搵人做蛋糕!

網上圖片

保護神秘富二代

雖然 Cammi不時喺網上大晒同男友杰少嘅恩愛合照,但對於男友嘅底細, Cammi諗兩諗會話:「佢背景呀?可唔可以唔講呀?」 22歲嘅杰少身份神秘,只係知佢啱啱喺外國讀完書返嚟,𠵱家喺屋企人開嘅公司入面幫手。 Cammi咁保護男友,唔知係咪怕俾人搶走呢?

富二代男友比 Cammi大兩歲,高富帥,難怪 Cammi不時喺網上晒恩愛

網上圖片

富二代梗係襯名車啦,呢架波子 Jeep已經成為 Cammi御用座駕。

網上圖片

男友喺廣州住豪宅,廚房又大又靚是常識吧!

網上圖片

「做咗好多後悔嘅嘢!」

即將專注喺鋪頭生意上, Cammi話娛樂圈的工作則順其自然,有就做、冇就唔做!梗係啦,男友緊要呀!

與男友杰少拍拖一年多, Cammi已登堂入室與男友家人住埋,即將投放大部分時間在國內的 Cammi,聲稱與男友家人相處得好好,「佢屋企人知道我係做過呢行,佢屋企人對我好好。」據知杰少家人本打算帶埋 Cammi到巴黎旅行,但杰少因為近日發生不少墜機事件而拒絕坐飛機,結果旅行去唔成!

只得 20歲的 Cammi已視杰少為結婚對象,「有傾過呢個話題,但未係呢個時候。我啱啱先 20、佢 22,咁大家做多幾年嘢先啦,大家都要儲啲錢。係囉,其實我拍拖好認真,即係我同佢一齊,半年之內就會諗將來,諗好多嘢。」

愛情雖然重要,但事業現階段已放第一位,「以前細個嘅時候思想幼稚啲,做咗好多𠵱家都覺得好後悔嘅嘢,所以我都唔係好想提。人係要向前看,唔可以永遠停留喺果個地方,我放底晒喇!」唔開名都知一定有陳冠希份囉!

廣州開 1,300呎鋪

千三呎鋪頭, Cammi自己設計兼揀材料,「之前讀書有讀過設計,所以唔擔心!」

Cammi雖然已經淡出娛樂圈,但佢嘅 P圖技術,令佢自家 instagram追隨者數目多達 14萬 5,好勁呀!

Cammi間網店多數自己做番 model賣衫,加上大部分圖都影到又瘦又高,唔少女網友爭住入手。

除咗自家店, Cammi喺國內都有少少知名度,年中就有唔少產品請 Cammi喺網上幫手賣廣告, Cammi話一個月接十單八單,都有幾萬蚊收入㗎!

網上圖片

網上圖片

Donut四散

溝有錢仔  Vilian(劉瑋欣)

Vilian雖然喺 Donut入面無乜突圍動作,不過佢好快就生擒身家豐厚,喺旺角至少有四間波鞋鋪,人稱「波鞋王子」嘅彭俊峰( Billy),但據知二人已經玩完。

網上圖片

趕入屋  Icy(周梓盈)

同樣喺 Donut表現唔算突出嘅 Icy,突然生性參加咗大台第 26期訓練班,至今已經參演過多部電視劇,當中喺《愛.回家》入面嘅演出,大家印象或者會深少少。

《蘋果日報》圖片

失咗蹤  Rainbow(胡心諾)

同 Cammi同期做 Donut女的 Rainbow,當年仲有啲 baby fat,所以上圍都好吸引一眾宅男。 12年曾經拍住羅仲謙出席公開活動,但之後就越做越霉,近年都無再見佢出嚟喇。

鍾意就快D Share啦!
Related Posts Plugin for WordPress, Blogger...