王宗堯嘅「肌」男 look，拍埋真嘅消防員隔籬，身形都唔輸蝕㗎！
#消防員#男神
貼圖區
谷肌做消防 王宗堯曬燈扮古仔
王宗堯（ Gregory）榮升男神後搞作多多，廣告代言、登台加拍戲，瓣瓣都見到佢！不過話晒佢係演員出身，拍戲先係正職，最近王宗堯喺港台新劇《火速救兵 3》處男下海做消防員，事前仲做足功課，專登曬黑皮膚同操肌，個樣仲同全盛期嘅古天樂有幾分相似㗎！
王宗堯拍戲一向搏到盡，喺一場跳海救人戲亦唔例外。當時海面滿佈垃圾兼有大水母，男神一樣冇有怕話跳就跳，最後導演一 take過收貨！為保靚樣，男神上岸就一支箭飆去用水沖身，仲剝埋件衫半裸晒肌！睇到在場女士嘩嘩聲！古仔當年都係憑《烈火雄心》升呢， 36歲嘅王宗堯今次掂硬！
王宗堯為咗演消防員角色，專登走去曬燈兼操肌，𠵱家個 look睇落都同古天樂有幾分相似喎！
|
鍾意就快D Share啦！
|
|
|
