2015年4月1日 星期三

進攻型 做雞擔正 床戰鳳姐殺手  Kabby:唔血腥唔慣! [FACE - 410] Kabby,許雅婷,MF,



新片中, Kabby同洪天照飾演一對青梅竹馬情侶,最激就係呢幕床上激咀戲,不過 Kabby就話內心戲先係重點喎!

真面目

進攻型 做雞擔正 床戰鳳姐殺手  Kabby:唔血腥唔慣!

金馬影后吳家麗首次執導新戲《花街柳巷》,以早前泰國發生嘅妓女連環兇殺案為藍本,大玩人性陰暗面少鹹多血腥!

吳家麗首次執導,女主角 Kabby(許雅婷)亦係首次擔正。戲中做「妓女」嘅 Kabby,仲會同鳳姐殺手、洪天明胞弟洪天照有床戲!雖然《花》片血淋淋,不過女主角 Kabby話冇有怕:「日日對住血淋淋嘅環境同道具,久而久之就愛上呢個血腥嘅世界,返到嚟香港睇唔到血腥反而有啲唔慣添!」嘩,唔係啩?

Kabby第一日同洪天照開工就要拍攝激咀戲,仲笑男方雖然大隻,不過份人就好怕醜,手心仲出埋汗。

當年吳家麗憑住《狼心如鐵》一角奪得金馬影后,而一路鍾情血腥懸疑片的她,最近終於喺執導新戲《花街柳巷》中圓夢;而 Kabby亦升呢做女一,角色唔只有發揮,仲可以跟影后偷師,一舉兩得。

「拎住把刀對住牆!」

《花街柳巷》講泰國妓女遭殘殺,血腥場面唔少得。有導演欽點而榮升女一, Kabby話:「知道家麗姐搵我做呢個角色都好驚訝,因為未知自己做唔做到,不過今次都學到好多嘢,佢畀咗好多發揮空間,等我消化完再自己去揣摸。」

要拍咁多血腥場口, Kabby就話:「泰國拍嘅時候,心情比較沉重,個人好容易胡思亂想,有小小抑鬱狀態。記得有一晚喺酒店房,拎住把刀對住牆試戲,眼淚已經不停咁流出來。本身都會驚對住血腥嘅場面會搞到自己變癲,後來發覺日日對住血淋淋嘅環境同逼真嘅道具,慢慢就愛上呢個血腥嘅世界,返到嚟香港,見唔到血腥反而唔慣!」要學吓嘉麗姐點抽離角色好喎!

洪天照飾演嘅鳳姐殺手角色,其中一幕仲會攞刀脅持 Kabby,不過講到明懸疑血腥片,兇手梗係冇咁易估中。

家麗姐欽點, Kabby升呢做女主角,雖然戲中做「雞」,不過角色都好有發揮,唔睇得少㗎!

Kabby因為盛傳被城城力追,所以被封「新城嫂」,不過實情佢早已名花有主,男朋友仲係同門師兄喇英。據知兩人已經拍拖三年時間,到𠵱家都仲係好 sweet。《蘋果日報》圖片

Kabby同周柏豪早前在電影《小姐誘心》中激戰連場,最後仲剝剩個 bra,繼續纏綿。

失蹤𡃁模 A.Lin露股出山

曾經係𡃁模身份,做娜姐周秀娜師妹嘅 A.Lin(朱麗玲、藝名裴殷),睇見寫真行業逐步沒落,早年已經慢慢轉移內地市場。雖然仲未有成名作,不過賺人仔點都好過喺香港捱騾仔。今次 A.Lin在《花》片客串做「雞」,仲有露股演出添!

早代𡃁模 A.Lin有份客串一角,戲中同樣做妓女,呢幕仲露埋股㗎!

A.Lin慢慢喺內地捱出頭,最近就以嘉賓身份出席美容節目《美麗俏佳人》!呢類𡃁模樣其實好難認得出!網上圖片

吳家麗唔只做導演,仲落場演埋包租婆一角,戲中帶住一班新演員,戲裡戲外都咁重要,新演員學嘢

鍾意就快D Share啦!
Related Posts Plugin for WordPress, Blogger...