2015年5月8日 星期五

洗米華爭奪戰戰情分析 [忽然1周 - 1032] 洗米華,周焯華,MW,



靚抽王

洗米華爭奪戰戰情分析

「洗米嫂+肚入面 BB+周柏豪」聯合戰線 VS Mandy Lieu

澳門猛人,上市公司主席洗米華本已有妻室,不過事業有成又幾有型嘅佢當然係女士們的「割據對象」。早前曾經化身人肉坐墊嘅混血美女 Mandy Lieu同正印洗米嫂嘅決戰愈演愈烈!以下就從戰略嘅角度分析成個戰況!

出動網絡複製人(打手)

勢估唔到交戰雙方竟然有相同諗法!雖然係敵人,但係相信佢哋心底裏面都暗暗稱頌對方,甚至有多少惺惺相惜,不過呢場仗都一定要打!呢個 moment, Mandy Lieu首先出招,喺臉書貼泳衣相,一句「我身形着唔到 XXL,如果想試圖打擊人,理應做好本份先。」疑似暗寸大肚洗米嫂……於是雙方陣營都出現好多打手,有如《星球大戰之複製人侵略》。順帶一提,啲複製人通常都係廢的。

擴大戰線

戰局之初,只見洗米嫂同 Mandy Lieu兩人喺戰場上審時度勢(好似啲馬晨操咁),未見有其他參加者參與,雙方苦思戰略良久,竟然想出同一招!(原來除咗打劫會撞橋,爭老公都有撞橋)。洗米嫂先宣布大咗肚,並意氣風發同洗米華出席公開場合,一時輕敵以為自己 win硬。誰知這邊廂卻傳出 Mandy Lieu都大埋肚。嗯,呢場戰爭已經再唔係兩個人嘅事喇!

洗米嫂請外援影響戰局

說時遲那時快,未知是否在洗米嫂嘅計劃之中,洗米華兒子周柏豪(此柏豪非大文豪也)竟然都出嚟問候 Mandy Lieu,似是支持繼母洗米嫂!最後喺繼母勸告下,抽完水即刻取消對 Mandy Lieu嘅關注。呢一着令到 Mandy Lieu嘅陣營大受損傷,因為對方多咗一員猛將。而 Mandy Lieu究竟係唔係有身紀作為武器?又係另一個問題。此時 Mandy Lieu勢孤力弱,複製人兵團都救佢唔到,如果係賭緊馬仔,大概已成大冷門。究竟佢仲有乜嘢奇招可以扭轉敗局?請看下回分解。

娛樂激戰

娛樂新聞嚟講,識睇一定係睇罵戰。咁笨唔係因為我哋八,係因為從罵戰裏面,我哋可以睇到人性!同埋一個人嘅戰鬥力!

鍾意就快D Share啦!
Related Posts Plugin for WordPress, Blogger...