全城熱爆的娛樂八封新聞 & 時事趣聞 & 生活 + 趣聞
睇荷姐呢日一身 sporty裝束，就知佢近排密密做運動 keep fit
年已半百嘅關詠荷，因為老公張家輝搵到，唔使再辛苦拍劇，留喺屋企湊女同打理家頭細務，但後遺症係變咗肥師奶囉！早兩個月已見佢佗住一身贅肉同巨躉去買餸，差啲行都行唔郁。
早兩日，媽咪姐又再撞到佢，嘩，眼前一亮呀，同時亦印證咗「世界上冇醜女人，只有懶女人」。估唔到短短兩個月……荷姐 fit番晒！贅肉、巨躉，全部講 bye bye。鬼咩，家輝 fit到漏，做老婆嘅，點都有啲警惕嘅！
早兩個月，關詠荷仲係一個肥師奶，估唔到短短兩個月，橫切面已經薄咗成寸（右），真係好嘢！
瘦咗嘅關詠荷，行起路都顯得輕盈好多。
