掃呢頁CODE去手機

2015年5月8日 星期五

識睇安仔,梗係睇呢啲! [忽然1周 - 1032] 安仔,許志安,MW,



睇尾場一向有着數!安仔呢日就剝埋件透視 jump suit……一半咁多啦。狂晒爆晒筋嘅「老鼠仔」,同「實的的」腹肌,正!

媽咪姐

識睇安仔,梗係睇呢啲!

如果今天將失去眼前的一切,剩低……呀,唔好意思!媽咪姐睇完安仔個 show,個腦仲係佢啲飲歌㖭。不過,媽咪姐係非常 pro嘅睇騷專員,梗到啲正嘢 share俾大家,好似激凸爆肌呢啲係例牌仲有那些年嘅安仔「名物」出土,及後台八卦嘢等等。







台八卦嘢等等。

不過最深刻嘅,梗係開騷先首次承認人夫身份嘅安仔,終於喺尾場自彈自唱 Sammi嘅〈不要驚動愛情〉!仲喺近萬 fans面前多謝老婆,「多謝 Sammi好冇?多謝你陪我,多謝你,多謝 Sammi!」老實講,媽咪姐現場聽覺得安仔講得太快,仲有啲ح

潛力股

初時,安仔只係着件透視 jump suit騷吓狂操兩個月嘅成績。嘩!望吓後面,真係連股肌都操到好結實,不如透視埋啦。

蠱惑的 under

透視唔夠喉?安仔仲着埋穿窿褲吊到半空任你𥄫。哎吔,媽咪姐見到條 under有閃片㖭㗎!鬼馬呀你。

安仔做咗人夫,今次開 show無再同 dancers跳辣身舞,同嘉賓憶蓮唱〈灰色〉都係點到即止,掂到啫。乖!

合照背後

許生許太一直避合照,直至尾場完咗,先肯一齊影相咋! Sammi今次全程留喺後台打點,加埋呢個小鳥依人 look,真係賢妻啊。

出土「安物」

47歲嘅安仔都算有心,搵番 33年前嘅中學圖書證同成績表出嚟開心 share。那些年嘅安仔,原來有韓仔 feel喎,至於成績就科科 D,因為心散囉!

完騷開威士忌慶功,安仔一啖「啪」晒,辣到伸脷㖭。

鍾意就快D Share啦!