全城熱爆的娛樂八封新聞 & 時事趣聞 & 生活 + 趣聞
邵音音派海報派到爆粗，其實只係佢講嘢文化，想話俾觀眾知，呢套戲瞓身演出。
電影《全力扣殺》班演員呢排忙住謝票，有觀眾問戲中飾演羽毛球大師兼自稱發明羽毛球嘅林敏驄，仲有咩發明？佢竟然好搞鬼咁話：「有擂球、曲棍球、草地鍊球……同埋蜆介鯪魚球！」不過媽咪姐最佩服音音姐，話晒佢今年就踏入 70歲，但喺戲入面要跑得快，又要落場打波，所以音音姐喺戲院笑住同觀眾講：「我哋呢班老、中、青呢，好 XX你好辛苦！真係拍得好辛苦！」嘩！講到爆粗喎！睇嚟真係幾辛苦吓。
舒淇真係夠老友，約鄭伊健同蒙嘉慧去行山，都要打卡勁推電影，呢啲 friend去邊度搵。
《全力扣殺》之前搞優先場，啲飛喺 6個鐘賣晒！何超儀就帶隊去戲院謝票，鄭伊健、鄭中基、邵音音同林敏驄都力撐。
