2015年5月8日 星期五

Amanda S.買男裝 點解嘅? [忽然1周 - 1032] Amanda,Amanda S,MW,



Amanda S.搵到心頭好後,即刻影低再以電話 send相,睇嚟係詢問「受方」意見噃!

媽咪姐

Amanda S.買男裝 點解嘅?

早兩日,媽咪姐喺中環「巡舖」,路過歷山大廈嘅 Saint Laurent,原來 Amanda S.喺入面喎。見佢喺西裝部精挑細選,最後搵到心水貨啦,即刻用手機將「目標」影低,跟住 send出去。喺等回覆期間, Amanda S.又同 sales姐姐係咁吹。卒之佢落咗柯打,甜笑住出門口。媽咪姐見佢心情靚,梗係打蛇隨棍上,八吓佢買禮物俾邊個?但佢怕怕醜冇答囉。

咁話說 Amanda S.舊年先同意大利籍前夫 Christian離婚,但近日有傳佢已有 6呎猛男新歡,仲俾人影到佢哋表演「舌戰」近半分鐘。咦咦咦,睇嚟有人有禮物收喎!

邊等回覆邊同 sales姐姐吹水, Amanda S.望住電話,嘴角含春。

最後成功入貨, sales姐姐仲親自送呢位 VIP出門口。

春風滿面嘅 Amanda S.,同媽咪姐 say good bye,媽咪姐都祝你搵到第二春呀!

上個月中, Amanda S.同 6呎外籍男出席完楊其龍 party後,意猶未盡,兩人仲要激咀,嘩,肉緊到呢!

《蘋果日報》圖片

鍾意就快D Share啦!