全城熱爆的娛樂八封新聞 & 時事趣聞 & 生活 + 趣聞
楊千嬅同丁子高結婚就快 6年，囝囝進諾（ Torres）都快 3歲喇！雖然兩公婆各有各忙，要照顧囝囝好嘥精神。但丁生一直想追多個女，之前做訪問，佢總係有意無意話想生女，覺得囡囡成日黐住爹哋，睇見朋友生女好羨慕，無奈嘅係老婆嚟緊又要做巡迴 show，要等佢得閒先。
媽咪姐呢日睇到丁生嘅 Instagram，明顯恨生女恨到出面喇！佢擺咗張與千嬅助手個女影嘅合照，講到出口：「你話有個『女』幾好呢？」唔知千嬅睇到老公寫呢段嘢，有冇壓力呢？
千嬅真係好媽咪嚟㗎！幾忙都好，點都抽時間陪 Torres玩。不過生個妹妹陪囝囝玩，應該更好。
千嬅呢排忙住巡迴演唱會，又要出碟同拍戲，有時仲要離開香港。佢自己都話好掛住囝囝。
網友幫拖丁子高抱住人哋個女都咁開心，網友就更加出力，發功幫丁生催千嬅開工，快啲追個女。不過，再生係咪女，都要睇個天噃！
丁生加油，湊夠一個「好」字
