掃呢頁CODE去手機

2015年5月22日 星期五

疑似性愛片段流出,應該點回應? [忽然1周 - 1034] MW,



老爺係醒嘅。

(設計對白)

靚抽王

疑似性愛片段流出,應該點回應?

近日網上傳出一段疑似性愛片段,片中人激似女藝人楊冪。身為當紅藝人,三不五時俾人話似邊個 AV演員,一係就傳出矇過粵語殘片嘅性愛片段,所以話,做藝人都幾唔得閒!今期「注意事項」就幫大家翻查古今案例,睇吓如果傳出性愛片段,可以點拆?

「你知好多人跟呢個樣整容!」

案例:楊冪嘅老爺劉丹果然食鹽多過食米線,先諗得出呢個堪稱神奇頂級超卓嘅回應。嗱,袋錢入你袋呀!呢個答案至少有兩個含意:第一,片段中人不是本人;第二,本人紅到其他人要跟佢個樣整容。係嘅!整容嚟講,你跟人人跟你,撞樣一啲都唔奇,可能係楊小姐跟人呢?

「他們找替身太強了!但被騙了的人,抱歉∼那不是我∼」

案例:阿 G.E.M.喺今年三月傳出疑似性愛片段,於是佢喺網上瀟灑地否認,仲話那些相信的人係被騙的傻豬豬,令到自以為好醒嘅網民單手打字後自尊心受創。

「真係巧似我!我第一次睇都以為係我……個男人未進化,膊頭有矛嘅,我兜冇矛?!」

案例:親愛嘅讀者先唔好以為我哋寫錯字,因為以上對白查實係由講嘢唔正嘅金剛講出嚟。話說有一段勁似佢嘅 AV片流出,佢係咁樣回應,抵死得嚟大家亦真係會留意到,金剛身上真的有紋身,而佢個膊頭係堅係無毛嘅。

「我唔係為咗博宣傳,啲 DVD我一毫子都冇袋落袋!」

案例:有人極力否認,有人冇得唔認,但係好似外國名媛 Paris Hilton咁直認不諱,又確係少數。所以當佢套自拍性愛片段印製成 DVD喺市面發行時,好多人都認為係佢自己印自己賣。確實,橫豎都係,賺番筆都係一種補償。

注意事項

教育大家點樣避免成為城中佳話。

鍾意就快D Share啦!