2015年5月22日 星期五

杜汶澤拍膊頭 同黃秋生破冰 [忽然1周 - 1034] 秋生,杜汶澤,黃秋生,MW,



秋生話 unfriend人就好幼稚,仲話:「喺我世界 friend就係 friend,唔 friend就唔 friend。」明晒!

媽咪姐

杜汶澤拍膊頭 同黃秋生破冰

都話呢個世界冇一世嘅敵人㗎尤其嗰個係敵人嘅敵人,咪就係朋友咁簡單囉。睇吓杜汶澤同黃秋生年半前為件小事搞到互鬧反面,但經過佔中事件被王晶 unfriend,佢哋兩個唔只和好,嚟緊仲一齊拍電影《選老坐》,果然係人老精鬼老靈呀吓。







呢日電影舉行開鏡儀式,阿澤作為監製當然要去主持大局,而有份拍嘅秋生,好明白自己係咩位,冇人拉佢企中間,就一直靠邊站。阿澤見秋生哥咁俾面,拍咗佢兩下膊頭,仲一齊吹水,呢個場面幾耐冇見過呀!阿澤又讚秋生友善好幫手:「靠佢大人有大量,大家都知我得罪人多稱呼人少,我哋一齊拍都冇嘢。」係囉,娛樂圈咁圓,點都係多個朋友好啲嘅。

都話破冰㗎睇吓阿澤拍秋生膊頭,又咁好傾。果然阿澤冇講錯,秋生好大量,一齊拍戲冇嘢喎!

兩人真係 friend番㗎!阿澤拎支酒俾秋生,搞笑話係片酬,都只係俾秋生啤咗一眼。

其他演員等緊做訪問,秋生一於少理,走埋一邊食拜神燒肉。睇佢識用口起肥膏,就知佢識食。

鍾意就快D Share啦!