李洪基、鄭容和好艷福 [忽然1周 - 1034] 鄭容和,李洪基,MW,

JUNIEL想繑鄭容和手臂，點知俾對方 fing開，佢冇尷尬，但鄭生忍唔住笑。

出外埠

李洪基、鄭容和好艷福

一連兩場嘅 FNC家族演唱會話咁快又開完喇！之但係李洪基同鄭容和真係好艷福呀！唔只玩到 high，李洪基唱唱吓歌，台下有 fans忽然掟咗半打黃色 bra上台，佢冇嚇親仲行埋堆 bra度踎低慢慢揀。之後拎起其中一個放喺胸前，不過就上下調轉咗，睇嚟唔多熟手喎！

到鄭容和同小師妹 JUNIEL合唱〈傻瓜〉，鄭生忽然搞事，撩 JUNIEL起身跳舞。小師妹又繑又挨又錫手背，之後仲摸鄭容和頭髮，搞到佢緊張到硬咗，唱到亂晒，最後要用笑遮醜，推 JUNIEL坐番埋位，咪再搞佢。早知係咁，就咪去搞小師妹

之後 JUNIEL仲想錫鄭容和隻手，嚇到佢向後褪。估唔到依家啲女仔都幾主動喎！

趁住開家族騷，鄭容和出席埋品牌活動。咦，呢個 brand不嬲由李敏鎬代言，唔通想換人？

Fans掉咗一堆黃 bra上台，李洪基仲逐個執起嚟睇，又擺上身度 size，睇嚟好滿意 fans送嘅禮物喎！

鍾意就快D Share啦！

下一篇 》