全城熱爆的娛樂八封新聞 & 時事趣聞 & 生活 + 趣聞
由於新加坡天氣潮濕，髮型師搞極都搞唔掂碧咸嫂個頭。難得當事人唔介意，自 share亂髮醜態。
碧咸嫂早前幫老公搞完 40歲大壽，呢頭就「已經飛咗」去新加坡為自家品牌準備花生騷。雖然忙就忙咗啲，不過碧咸嫂一得閑就 update instagram， share下生活點滴。就早兩日，佢喺新加坡酒店房攤喺梳化突然「腿張開」；食食下早餐見到蓮霧，又大喊驚驚，完全未見過世面咁；之後仲晒埋一頭亂髮。得啦，知你外表 cool爆內裏俏皮啦!
見多識廣嘅碧咸嫂唔知蓮霧係咩，大喊驚驚。
臨開騷前，佢攞住吸塵機係咁吸，表現平民師奶一面。
碧咸嫂話着住 jumpsuit做乜得都，仲即席示範「 L」字馬。
