全城熱爆的娛樂八封新聞 & 時事趣聞 & 生活 + 趣聞
伏明霞雖然肥咗，但面口就冇乜變，依然係靚太一個。
喺中環 shopping成日會見到藝人同名人。話說早幾日，媽咪姐又喺置地撞見甚少蒲頭嘅「跳水皇后」伏明霞同個女性朋友一齊 shopping，睇吓小伏嘅身形真係發福咗唔少，絕對係多年養尊處優生活嘅成果。
雖然伏明霞少出嚟，但睇佢專揀啲潮鞋試，就知佢對時裝潮流都跟得幾貼，最後仲一口氣買咗 3對同牌子嘅鞋，盛惠$12,000元。對前財爺梁錦松嚟講，碎銀啫！
伏明霞就對船踭波鞋情有獨鍾，另外再加多對白色交叉帶涼鞋。咁着湊女係方便啲嘅！
從背後睇，伏明霞肩寬背厚，真係發福唔少！而從佢坐姿嚟睇，依然強國味好重。
伏明霞嘅戰利品， Kennel Schmenger係德國品牌，今季興採用窩釘同水晶設計，全部系列都係走前衞路線，每對$3,500起跳。
哈哈！有錢真係任性！（設計對白）
