全城熱爆的娛樂八封新聞 & 時事趣聞 & 生活 + 趣聞
溫哥華空氣好，人又少香港咁多，仙杜拉返到嚟唔慣都正常嘅。睇佢拎紙巾遮鼻，另一隻手又拖住朋友，好忙吓喎！
年過 70嘅仙杜拉，已經移民去溫哥華好多年，但間中都會返吓嚟嘅。好似近期佢就做「顧嘉煇演唱會」嘉賓，上到台幾生猛呀，勁過後生女囉。媽咪姐呢日喺街又撞到佢，嗯……佢嘅打扮就 hea咗少少，仲邊行邊用紙巾掩鼻，睇嚟對香港嘅空氣質素，好擔心吓噃。但係咁，仙杜拉除咗關注自己健康，都好照顧朋友嘅。睇佢過馬路嗰陣，繑住朋友行，去到酒店門口，又扶住朋友背脊，細心得嚟， man爆呀！
仙杜拉行行吓見朋友墮後，企定定等埋朋友，去到酒店仲輕輕掃背，感情真係好好呀！
過馬路嗰陣，仙杜拉同朋友繑住行，互相照顧，免生意外。
唔好以為依家啲後生唔識佢，何超雲兩年前出席活動時，曾經以一身潮 look向佢致敬㗎。
