2015年5月22日 星期五

港視劇九月清倉 《選戰 2》難產 [忽然1周 - 1034] 港視,MW,



《選戰》口碑好,港視原定原班人馬開拍《選戰 2》,更叫劇中李心潔、廖啟智、王宗堯等要角預留四、五月檔期,但據知各演員至今仍未收到拍攝通告,令已預留檔期的演員感到無所適從。而智叔亦曾承認:「王生一早問過我意見,想開《選戰》前傳或續集,佢開拍我都會考慮接拍。」

娛樂喧

港視劇九月清倉 《選戰 2》難產

港視不少劇集,無論質素、口碑均不俗,可惜在銀根短缺下,港視倉庫現時只剩 7劇未播,至 9月便無以為繼。其實之前《選戰》收視強勁,港視早已放晒風話開拍續集,更 hold埋主角李心潔、廖啟智及王宗堯檔期,講明 5月埋班,但演員至今仍未收到通告,谷到演員一肚氣。有份演出《選戰》的王宗堯在電話中承認:「我知劇本一早出咗,但至今都未收到通知。」

港視開台時,向大台重金挖角,更在將軍澳工業邨建廠房,斥資逾廿億。但隨着不獲政府發牌後,隨即打亂「魔童」王維基的陣腳。

智叔心潔 hold檔期

眾志成城

去年 11月 19日,港視開台撞正大台台慶,王維基率領眾藝員舉杯慶祝,商務及經濟發展局局長蘇錦樑也俾面出席。

不過諗頭多多的「魔童」,去年轉做網上電視,劇集《選戰》、《警界線》、《導火新聞線》等均有口碑。原定 2月打算食住個勢,原班人馬開拍《選戰 2》,製作部更 hold晒演員檔期,打算在 5月火速埋位開工。

可惜言猶在耳,埋位卻一拖再拖,搞㷫男女主角李心潔及廖啟智。一知情人透露:「其實編審黃偉強寫完《選戰》後,王生睇完個劇本覺得好掂,已叫佢開工寫前傳同續集,仲叫班 artist hold定個期,話等編審修飾吓個劇本,預計 5月左右開工。嗰時心潔經理人話佢好忙,要睇咗劇本先決定接唔接,咁編審就 send個大綱俾心潔睇。佢睇完都口頭話 OK,同智叔一樣,仲 hold咗個期。點知等到依家,都未收到通知話開工,激到心潔嗰邊死死吓!」

王宗堯:劇本一早出咗

網購銷售一般

港視網上商品店據知暫時銷售一般,製作和經理人部門員工 cut得就 cut,現時港視合約藝員就只餘下曾與陳豪拍攝電影的張雪芹和胡烱龍(小圖)。

記者日前向本來有份拍《選戰 2》的王宗堯求證,他承認港視曾通知 5月埋位開工:「劇本一早出咗㗎喇,之前係 hold過我個期,你知智叔、心潔個期都好難就呀!但相信未咁快成事。」而向來與王維基私交甚篤的黄日華,則指近日未有跟王生密斟:「睇定啲港視意向先,呢排冇同王生傾偈,我唔急嘅,依家冇乜野心,可以慢慢揀工作。(咁有冇為囡囡芷晴擔心?)佢咁大個人可以自己 handle,除非佢開聲叫我先會幫手。」

剩餘物資

已「停產」拍劇一段時間的港視,現時手頭自家製劇集已所剩無幾。早前有傳港視年中會開拍新劇,但由於銀彈有限,加上申請免費牌照仍未有聲氣,因此製作新劇一直只聞樓梯響。

《三面形醫》

《惡毒老人同盟》

《末日+5》

《開腦儆探》

《還來得及再愛你》

剩 7劇靠外購劇維生

這邊廂開劇無期,加上網購生意未上軌道,那邊廂港視員工亦擔心飯碗不保。現時港視僅剩 7劇未播,至 9月便要播外購劇來維持。據知有經理人合約的藝人,至今只走剩今年「金像獎」憑《點對點》角逐「最佳新人」的張雪芹及胡烱龍。加上公司唯一藝員經理人亦在日前被辭退,搞到公司個個人心惶惶。

知情人續說:「其實依家返工都冇咩做,大家你眼望我眼等食 lunch、等放工。王生講到明網購嗰邊一日未上軌道,一日都唔會拎錢出嚟搞製作。但佢咁樣咪變相整死我哋囉!佢又唔炒我哋,又唔同我哋透露未來發展,個個都擔心會步亞視後塵俾公司拖糧!」記者曾致電港視發言人求證,但至截稿前仍未得到回覆。

微電影闢血路

劇集製作停工停產,王維基近日卻構思到為網購平台的商戶拍攝微電影,從中賺取廣告收入。

微電影《 La Cauleur》

《導火》拍電影版

除了拍攝微電影,王維基近日亦與蕭定一合作,將早前大 hit的《導火新聞線》,以原班人馬拍攝電影版,電影中更會加入周秀娜及張智霖。男主角王宗堯坦言:「拍唔到《選戰 2》,有得拍電影版都好過冇。」

靠外購劇

港視自己出品的劇集將於 9月播完,接棒頂上的便是一連串外購劇,有冇叫座力就要遲啲先知。

《刑名師爺》

由吳奇隆、霍建華主演的內地古裝劇,前年播出時的收視不俗。

《大唐雙龍傳之長生訣》

方力申、朱茵主演,王晶執導, 11年在內地首播。

《回家的誘惑》

李彩華有份主演, 11年在湖南衞視首播,是繼《還珠格格》後最高收視。

《閃閃發亮》

由金賢珠、金錫勳主演的愛情韓劇,女仔實鍾意。

鍾意就快D Share啦!
Related Posts Plugin for WordPress, Blogger...