2015年5月8日 星期五

Fit與 Fat之間 [忽然1周 - 1032] MW,



媽咪姐

Fit與 Fat之間

夏天為大家帶來長腿。唔少女士出動短打,既可以唞氣又可以騷 quali。周日( 3日),慈善瑜伽活動喺亞洲國際博覽館舉行,大堆美女現身撐場。講到明係做運動,佢哋大條道理以貼身裝束上陣。不過都係嗰句啦,獻醜就不如藏拙喇!

陳嘉桓最索 body

陳嘉桓前面誇啦後面亦唔差,超貼身褲盡騷圓滑美股。

當日唔少女仔以 bra top襯貼身褲,盡騷 S身材,講到最火辣,應該係陳嘉桓。佢手長腳長,身材好標準,未至於有肌肉,夠晒養眼。有好嘢梗要騷俾大家睇,佢喺鏡頭面前動作多多,不停做瑜伽甫士,真係好 hot呀!

林子萱嚇人腩肉

慈善瑜伽活動係為思覺基金籌款,身為副主席嘅谷祖琳當然有出席,而家族團就有谷德昭同女友林子萱現身支持。依家甚少出席公開活動嘅林子萱,一出場彎身露事業線夠晒睇頭,點知原來暗藏腩肉!

林子萱影大合照嗰陣,唔知係咪見其他女仔 bra top上陣,佢又脫埋一份。點知佢一踎低即刻出事,個肚打晒褶。哎呀!嚇死人咩!

鍾意就快D Share啦!
Related Posts Plugin for WordPress, Blogger...