掃呢頁CODE去手機

2015年6月4日 星期四

洗米華幫手湊女補鑊 傷透華嫂無動於衷 [壹週刊 - 1317] 洗米華,周焯華,M1,



上月底,瞞完正印到英國接 Mandy Lieu兩母女的周焯華,即陪正印到香港待產,拍拖行街。

探熱針

洗米華幫手湊女補鑊 傷透華嫂無動於衷

澳門賭業猛人周焯華(洗米華)年來周旋於正印陳慧玲( Heidi)與小三 Mandy Lieu之間,兩女同時佗住華種,令齊人周焯華兩週抱兩。 Mandy B女搶閘在 520(普通話諧音:我愛你)出生,至上週六( 530)凌晨,在周焯華欽點四十一歲牛一同日,華嫂小米女 Damiana(周善潼)亦出世。

據悉,華嫂誕下洗米女後,周焯華日日陪住受刺激的正印,又晚晚幫手做湊女公。老公補鑊,可惜華嫂不為所動。

華嫂 Heidi在 fb分享壓軸出世的小米女 Damiana,小手緊握爸爸周焯華的巨手,兩父女晒溫馨。

孻女好冧爸爸

在華嫂 Heidi臨盆前三日,爆出 Mandy Lieu在英國搶閘產女,並由周焯華親手抱 B接出院。此情此景,令臨盆在即的正印,飽受極大打擊。縱然 Mandy產女後翌日周焯華拿拿臨走人,但風流留種,已刺穿老婆 Heidi的底線。

為氹番正印,連日來,自覺虧欠的周焯華在華嫂產前產後都陪伴在側,就算日間要到澳門處理公事,晚飯定必趕返香港養和醫院,照顧老婆和做湊女公。本週一(六月一日)六點,周焯華從澳門趕返香港,拒絕接受訪問的他急急登上坐駕,直奔到醫院探望妻女。「 Damiana好懂性,出世第一個笑容就係俾爸爸抱住嗰陣,個樣又似足華哥,冧到老豆好開心,成日掛住,好上心。」知情者說。

臨盆前受刺激的華嫂,幸有周家上下齊撐及好友李碧君打氣,令波動的情緒稍有平伏。

風流的周焯華,今年二月在春茗派對上宣告:「我是最愛老婆的!」又在台下攬實嬌妻,但倒頭來把她傷得極深。

產前後情緒波動

老婆傷痕,豈能即時修補?周焯華花盡心思補鑊,但據悉正印至今仍未為所動。

「 Damiana出咗世,華哥好開心咁抱住個女一齊慶祝兩父女生日,成家人唱生日歌切蛋糕。雖然華哥同 Mandy單嘢搞咗成年,但對方個肚始終唔覺,而每次有新聞出,華哥就同 Heidi講話會解決,所以華嫂一次又一次選擇相信老公。就算之前佢問過華哥 Mandy係咪有咗,華哥都唔認。

「華哥一直識分庄閒,星期日同節日一定陪老婆,關係一啲都唔差,睇到英國嗰一幕,就算平日 EQ幾高,作為大肚婆都好難頂,生之前仲一度唔見老公。因為每次聽到對方解釋,佢都心如刀割,激動到喊,又成日失眠!但為咗保住個胎,華嫂花盡氣力令自己心情平伏,可以生個七磅 B,母女平安算好彩。」知情者說。

28/5

知道繼母情緒低落,周焯華大仔柏豪在她入院前一日,陪伴外出食拉麵。

傷透的華嫂,入院當日跟老公分開車坐。

爆出周焯華在英國陪 Mandy生 B後,忍痛護胎的華嫂,在 fb貼圖,以廿四字真言表心跡。

難捨大仔陪伴

周焯華大仔(柏豪)亦一直有陪住華嫂,到星期日(五月三十一日)始起程返英國,據悉 Heidi好感激對方於這段艱難日子陪住自己,又睇住個妹,所以柏豪返英國,她亦出現情緒低落。正印洗米女出世後,華嫂身邊朋友都有勸她要注意身體,又擔心她會有產後抑鬱。

「為咗唔想令大女擔心, Heidi一直扮到好硬淨,佢話就算而家有幾痛都要盡力收拾心情,有乜都等好好坐完月先再傾。」知情者說。

周焯華十七歲大仔柏豪,不但跟繼母華嫂感情要好,對同父異母的妹妹亦愛錫有加。

華嫂生女,周家上下開心迎接,親友合共送上五個蛋糕慶祝女兒成為周焯華最好的生日禮物。

日前華嫂好友李碧君出席活動,提到 Mandy搶閘生女,她說最擔心新聞影響華嫂的仔女有壓力。

細妹 Damiana在父親 41歲生日出生,柏豪在網上祝父生日快樂之餘,還說今天他值得開心,擺明企穩繼母陣線。

去年十一月,有孕三個月的 Mandy Lieu唔錫身,在搶米戰中當人肉坐墊。

好友鄺美雲到醫院探望之餘,還送上翡翠作 BB賀禮。

整個產婦房放滿鮮花賀禮,兩個女人為周焯華生 B,兩種氣氛。

佗幾耐捱幾耐

洗米嫂 Heidi佗 B初期,周焯華已爆出跟 Mandy Lieu有婚外情,個個月都有新聞,懷胎九個月,華嫂被追擊九個月。

首次波動

14年 9月在周焯華母親喪禮上, Heidi已懷孕個多月,同期 Mandy被爆陪周焯華去紐約公幹,令她大受打擊,情緒波動。

生日落淚

11月周焯華豪擲五百萬,包團請好友一齊歐遊為懷孕三個月的 Heidi慶生,更送上三千萬鑽飾作禮物。其間, Mandy不停短訊轟炸,令正印 Heidi生日都傷心喊晒。

崩潰手震

12月佗 B四個月的 Heidi跟老公恩愛出席慈善活動當晚, Mandy戲劇性現身養和,不時以手掩口,隨即被傳跟 Heidi一樣懷孕四個月。消息曝光後, Heidi崩潰痛哭,手震兼抖唔到氣。

被挑釁

15年 2月佗 B六個月的 Heidi舉家到日本度歲,周焯華更為她化身人肉坐墊,大晒夫婦溫馨。同月 Mandy和周焯華突然在泰國現身,更入住之前跟正印下榻的酒店。

宣示主權

3月 Mandy遮肚並手戴心形鑽戒現身挑機。佗 B七個月的 Heidi在網上回應「周太永遠只有一人」。

苦撐待產

4月佗 B八個月的 Heidi晒巨肚照,同期 Mandy又離奇被拍到在法國與周焯華激吻,令 Heidi心碎。

真言回敬

5月一直不見凸肚的 Mandy,突然比正印早十日在英國誕下女嬰,令 Heidi傷透,揚言:「我從來就不愛和別人爭東西,你喜歡就拿去,拿得走就拿去。」

鍾意就快D Share啦!