想請《壹》仔飲果汁，但又唔願上鏡嘅何傲兒，差少少就撞倒隔籬個阿叔。
同你吟一吟
投靠林建名 何傲兒低胸出動
去年只有 26歲嘅何傲兒同 76歲大名娛樂老闆林建名爆出爺孫戀，為咗轉移視線，何傲兒故意同緋聞男友周子揚上演一幕傢俬店連環 13啜，搞到林伯當眾老淚縱橫。
呢段三角戀拖拉到今時今日，上個禮拜五（五月二十九日）終於分勝負，何傲兒收四卡鑽石戒指，著上婚紗，動筆簽約大名娛樂，以後就係林建名嘅人。
跳出大台，搵到爺級靠山，簽約前夕（二十五日），《壹》仔响中環撞到著住小低 V裙嘅何傲兒去買咖啡，仲識做到買多咗兩支果汁請《壹》仔解解渴。
問佢轉會後新工作安排如何？只係化咗個淡妝嘅何傲兒嚇到左閃又避，話呢日只係嚟試衫，之後就用手遮住個口，四圍搵佢老豆架車究竟停咗响邊度，倒瀉籮蟹。
老豆破產，家姐何傲芝又輸俾黃翠如搞到要同蕭正楠分手，一家大細靠晒佢！點都係搵個水泡，咁梗係搵老細後生仔，要靠屋企條水喉，隨時斷水仲弊呀。
|
鍾意就快D Share啦！
|
|
|
