掃呢頁CODE去手機

2015年6月4日 星期四

黃又南接班做吹神 [壹週刊 - 1317] 又南,黃又南,M1,



同你吟一吟

黃又南接班做吹神

人人都話三個女人一個墟,其實兩個男人走埋一齊,都係吹水唔抹嘴。早個禮拜幾乎日日都落雨,黃又南照樣揸車落咗去大坑搵啲車房 friend吹水;但實在太大雨,要留响車上煲煙煲電話,等到雨勢減弱,先行咗入間專賣汽車零件嘅鋪頭,睇現貨又上網睇吓有咩好嘢,搞咗半個鐘,鋪頭要閂門,又南先捨得走人。

未吹夠,又南轉彎去另一間車房再吹過,師傅仲冒住雨走出街幫又南睇吓條呔,搵到「知音人」,又南更加「磨爛蓆」!

男人講車經,冇掣!去便利店買火機,又南同收銀阿姐一樣咁好傾,男女都吹得,吹神後繼有人!

又南第一站係汽車用品店,仲自動波行埋入櫃位,對住部電腦睇汽車用品最新行情。

搞咗半個鐘,又南只係幫襯換支偈油針,之後鋪頭夠鐘落閘。

轉場去車房,又南捉住師傅講軚鈴經。

師傅抵得諗,冒住雨幫又南 check車。

尾站去便利店,又南對住收銀阿姐一樣好好傾,仲一次過買咗成十個火機,逐個撻,試吓有冇火。

鍾意就快D Share啦!