掃呢頁CODE去手機

2015年6月24日 星期三

結婚生仔要平權 賤熊成功爭取麥克捐精 [FACE - 422 - 外地娛樂] MF,



玩低俗而上位的《賤熊 30》,去到今年的續集《賤熊 2》亦延續鹹鹹哋的風格。今次有幕仲講到賤熊想與老婆生 B,卒之搵咗老友麥克華堡去捐精。

西區

結婚生仔要平權 賤熊成功爭取麥克捐精

仲有一個星期就到 7月,消暑最簡單方法當然係睇套喜劇氹自己。今年暑期猛片就由笑料爆棚的《賤熊 2》( Ted 2)打頭陣。

由新《變形金剛》英雄麥克華堡配毛公仔賤熊合演的首集《賤熊 30》,玩口賤玩低俗,全球勁收 39億港元。去到《賤熊 2》,套戲除 keep住玩意識不良,今次再加強戲碼,講到賤熊要同人類睇齊,爭取同人類結婚生仔的合法權利,仲搵埋麥克捐精添! Bear Bear熊都要平權呀!

《賤熊 2》

上映日期: 6月 25日

《賤熊 2》講述賤熊打算同人類女友 Jessica Barth(上圖)結婚生仔,但政府卻要賤熊證明自己符合法律定義的人類先俾佢生仔,於是 Amanda Seyfried飾演的律師便出頭幫賤熊打官司。

1.《賤熊 30》 3年前上畫,點解咁快開續集?

集導演、編劇於一身的 Seth MacFarlane,在《賤熊 30》中更聲演戲中的主角賤熊, 3年前《賤熊 30》一片全球大收 5億美金(約 39億港元),有見反應比預期中好,待《賤熊 30》落畫後即乘勢追擊宣布開續集《賤熊 2》。不過 Seth出名要求高,為不想重複齋玩口賤、爆粗、低俗橋段,所以續集玩埋人權,講賤熊為要同人類結婚,爭取結婚生仔的合法權利。

將於本週四( 25日)上畫的《賤熊 2》,為谷宣傳,最近便登上電影雜誌《 Entertainment Weekly》封面,而賤熊就擺出名緩 Kim Kardashian早前趷籮頂香檳杯的經典甫士,擺明笑 Kim大籮,果然夠賤。

網上圖片

網上圖片

網上圖片

2.《賤熊 2》雖然是喜劇又冇動作戲,但聽講男主角麥克華堡呻拍得好辛苦?

麥克華堡 3年前拍完《賤熊 30》後,一共接拍 9套戲,其中包括《變形金剛 4》及《賤熊 2》等大片。雖然《賤熊 2》是喜劇而且沒有動作場面,照推理應比《變形金剛 4》拍得舒服,但因拍《賤熊 2》時,麥克要日夜趕戲,差不多兩個月不能返屋企跟老婆 Rhea Durham及 4個仔女見面,早前接受訪問時,麥克就狂呻:「思念家人的痛苦,比起疲勞轟炸的痛苦厲害 10倍!」

有 4個仔女的麥克華堡,出名顧家錫老婆,但為拍《賤熊 2》竟然兩個月唔能夠返屋企同老婆仔女見面,令佢感到好辛苦。

3.《賤熊 2》換上 Amanda Seyfried做女一,導演覺得 Amanda演成點?

上集《賤熊 30》女主角由 Mila Kunis飾演,做麥克女朋友,可惜劇情交待最後 Mila Kunis被人撬走,所以今集冇影,繼而換上另一位靚女 Amanda Seyfried做女一,飾演幫賤熊打官司的女律師。而導演 Seth對 Amanda的演出就明讚暗寸,早前在訪問中直言:「 Amanda靚女而且演技好,跟她合作好開心。唔好睇佢扮律師好似好有智慧,其實她真人冇腦㗎!」

去年 Seth Macfarlane(右)自導自演的《奪命西》搵咗 Amanda Seyfried做女主角,食過翻尋味,今次拍《賤熊 2》亦預埋 Amanda份,收佢為愛將。

鍾意就快D Share啦!