至索女學護 照顧癡呆婆婆最心痛 [FACE - 422 - 大專校園] MF,

Profile:劉安娜(Onna)

公大護理學 Yr.2

相比起有冷氣的連鎖式商場， Onna更陶醉大自然的陽光，「一有時間我就行山，城門水塘、烏溪沙我都好鍾意去，嚟緊想試萬宜水庫東壩。」

U花 U草

至索女學護　照顧癡呆婆婆最心痛

有護老院安排婆婆露天剝光豬等沖涼，搞到成班婆婆冇哂尊嚴，隔咗咁耐度火仲湧緊出嚟！

做得護士當然識照顧自己同別人，「有次男友喺街仆親流好多血，我就即刻喺屋企拎齊急救用具去幫佢包紮，佢嗰刻都有話有個護士女朋友真係好！」

就讀公大護理學 Yr.2的劉安娜(Onna)在事件發生後更對自己許下承諾，「將來無論搵錢幾辛苦都要自己照顧家人，唔會安排佢哋入住護老院孤伶伶！雖然護老院係有人照顧，但點都係無屋企人咁細心！」

去年七月在仁濟醫院普通科實習過一個月的 Onna說：「去到病房感受真係好深。最難忘係病房入面有位老人癡呆症嘅婆婆，佢日日都會問幾時可以返屋企，幾個鐘問一次，有資深嘅護士就教我哋答佢話五點就可以返屋企喇，結果到咗五點，只係帶婆婆去搭電梯，由二樓病房搭到落地下再搭返上二樓就當返咗屋企！每次同婆婆去搭電梯個刻個心都揦住揦住，好難過！」

21歲的 Onna還有三年才完成護理學的學士課程，但亦無減她做護士的決心，「我知道有同學喺實習期間已經有打消做護士嘅念頭，但我反而想快啲畢業，快啲做個稱職嘅護士，照顧好每個病人！」見到咁有愛心嘅靚女天使，隨時唔想出院呀！

讀了護理學， Onna比以前更加重視自己的飲食，「以前我唔食早餐，又狂食肉，𠵱家早餐係必食，仲會自己整，呢排就鍾意食呢個自製奇異果青瓜蛋白三文治！」

Onna是綠茶狂熱份子，「我鍾意綠茶嗰種回甘嘅感覺，我嘅目標係食勻全世界嘅綠茶食物！」

鍾意就快D Share啦！

下一篇 》