十優港姐麥明詩未選已成為今屆風頭躉，仲有阿爸學校校董背後發功，其他佳麗其實睇佢表演。
封面
麥父同校校董 殼王老死 十優港姐靠山係吳若希富豪密友
麥明詩應該係有港姐選美以來最大熱門，外表標青，學歷仲係無敵，女拔十優生加埋劍橋法律系畢業，最緊要有後台，仲要係最勁嗰隻。
麥明詩父親係聖公會林護中學副校長，而該校校董之一係娛樂圈中人稱為「十哥」嘅林棣權，副校長同校董有幾熟就唔知喇，不過呢位身家億億聲從事地產界嘅十哥，早前除咗被傳為吳若希富豪密友外，佢同張智霖夫婦、郭富城亦係 friend底，而十哥老死更加係大台老闆陳國強。麥明詩有呢位十哥照住，唔使等埋發叔，冠軍都十拿九穩啦。
24歲麥明詩前週四（ 11日）現身港姐首輪面試，樣子靚得嚟夠 pure，之後被揭猛料學歷，女拔十優生兼劍橋法律系畢業，已經令唔少人覺得今屆港姐唔使選，冠軍已現身，但除咗樣靚加學歷呢啲大台最 like嘅條件，最重要係有選美致勝關鍵，即係後台。
據知十哥林棣權跟大台老闆殼王陳國強好老友，亦跟樂易玲好鬼 friend。老友出到聲，殼王自然識做。
圈中多老友
十哥跟娛圈中人十分熟絡，除了郭富城外，亦跟沈嘉偉、邱淑貞等好 friend。
靚靚封做「聯誼會會長」
麥明詩父親麥卓生為聖公會林護紀念中學副校長，而該校校董之一林棣權，原來喺娛樂圈人脈相當廣，行內有十哥嘅稱號，而副校長同校董有偈傾好正常，做地產起家嘅十哥除咗係校董，佢仲同圈中不少人稔熟，與張智霖、郭富城和伍詠薇等經常有飯局，袁詠儀仲叫十哥做「聯誼會會長」，就知十哥幾有地位。
早前吳若希阿媽撞車，十哥都有致電吳若希慰問，吳若希更被拍得夜訪十哥屋企，十哥即傳出成為吳若希富豪密友。據知十哥同大台樂小姐亦認識，而最緊要係同殼王好老死添！有十哥呢個靠山，加埋麥明詩本身嘅條件，真係想輸都難。
而連日來麥明詩都足不出戶，不過升為星爸嘅麥卓生，連日來都係繼續其低調校園生活。上週五（ 19日）本刊訪問麥明詩爸爸，他對於麥明詩所有問題及關於校董林棣權的一切都不作答。週一（ 22日）麥父放學後，就揸車接任職職業治療師嘅太太放工，兩老雖然有位星級十優生，但生活依然簡樸，從公司搬櫃走亦親力親為。雖然麥母不作任何回應，其實個女咁叻，有無後台都贏梗啦，仲使乜理你吖！
唔答政改
上週四（ 18日）麥明詩複試完坐地鐵走人，期間本刊再問佢對政改睇法，麥明詩都係封口唔答。
劍橋法律系花
麥明詩樣靚又純情，在劍橋華人圈中當然受注目，有報導指她 3年換 3男友，加埋之前本刊報導的 2位兵仔，隨時唔只 3年 5仔。
天使鬥魔鬼
麥明詩除咗樣靚，最屈機係讀書叻，劍橋法律系，大台聽到都流口水啦，但原來劍橋女唔只一個喎，據知另一位有「力王」之稱嘅 Anna Ho原來都係劍橋學生，佢喺 instagram自稱由 Cambridge返回 HK，她的網上相極之野性，又有自拍內衣相，同麥明詩係兩種口味，有機會後上㗎！
晒旅行
麥明詩人純， ig相亦相當健康，打扮一定密實冇驚喜，大台唔使擔心佢會有咩艷照流出。
影得放
「力王」 ig內有唔少性感相，其中一輯除剩黑 bra更加令人噴血，另外四眼 Miss look又有唔同味道，真係點玩都得。
|
鍾意就快D Share啦！
|
|
|
