2015年7月10日 星期五

接父母來港 郭晶晶準備又生 [忽然1周 - 1041] 郭晶晶,MW,



錫女錫到燶

晶晶帶父母入屋,猛問使唔使幫佢哋拎嘢?但兩老堅持自己搬,勁錫呢個獨生女。

媽咪姐

接父母來港 郭晶晶準備又生

仔趁嫩生,幾時都係硬道理(如果養得起嘅話)!所以,最近霍啟剛就開口話想同郭晶晶生多個 B,不過幾時生就順其自然。霍大少 ready,原來郭晶晶都已經秘密接咗父母嚟香港一齊住,幫手湊孫兼幫晶晶補身,咁樣就可以安心「造人」

上個禮拜,媽咪姐見晶晶同父母一齊坐車返到霍啟剛嘅大宅。郭爸爸郭媽媽拎住大包小包,郭爸爸仲抽住一個手提喼。睇嚟兩老帶咗好多東北特產俾個女,等佢可以食吓家鄉嘢,人都開心啲!生 B自然話咁易。

其實霍啟剛曾經講過,阿仔霍中曦好黐霍震霆,仲攬住爺爺對腳唔俾佢走,搞到老人家好開心。依家有埋外父外母幫手,唔怪得霍啟剛前排先同記者講:「一個會比較孤獨,自己都有三個兄弟姊妹,不打不相識!」擺明隨時準備再做爸爸。加油呀!霍家靠晒你。

爸媽繼續慳

郭媽媽出名慳儉,就算阿女係國寶又嫁得好,佢一樣踢拖去街市買餸。呢日,佢同郭爸爸都係一身街坊裝一袋二袋嚟香港,自己搬行李入屋,唔使工人幫。

安頓好父母,晶晶先出門。大熱天時,佢都着長袖衫,打埋背心底,好小心身體。

產前勁接 job

生咗個慈姑椗,其實晶晶都好想追個女。每次出活動,佢見到細路女都笑到見牙唔見眼㗎!

今年 5月,晶晶先收千萬做內地廚櫃品牌代言人,啱啱呢,又去做名車活動嘉賓。得閒搵番啲私己錢,叻女!

晶晶平日湊仔絕不假手於人,之前被影到同阿媽去 city'super掃貨都係自己抱 B。咁有愛心,生幾多都 ok

《蘋果日報》圖片

鍾意就快D Share啦!
Related Posts Plugin for WordPress, Blogger...