周汶錡型媽出院 [忽然1周 - 1041] 周汶錡,MW,

老公 Julien抱住包到冚嘅 B仔 Jacques行出山頂嘉諾撒醫院， Kathy就負責笑同靚，好幸福呀！

媽咪姐

周汶錡型媽出院

依家啲明星 model真係好勁！個個生完都好似冇生過咁， fit到漏。周三（ 8日）中午，生咗 7.2磅 B仔嘅周汶錡（ Kathy）出院喇！睇吓佢手腳纖瘦，完全冇腫，羨慕死人咩。

化咗淡妝嘅 Kathy，頭戴藍邊白帽，着藍白恤衫裙現身，仲帶埋個 BB藤籃，完全法式風情！好明顯悉心襯過，要 match番法國老公 Julien，佢仲笑住話全家都當阿仔係寶，「 BB似老公多啲！哈哈，依家帶佢番屋企適應吓環境先，可能遲啲又唔同， BB有時會變樣㗎嘛。」計媽咪姐話， Kathy兩公婆係俊男美女， BB似邊個都一樣咁靚，唔使爭

大住肚嘅 Kathy都依然勁 fit，難怪佢出院時話唔使諗減肥住：「我都唔係重咗好多啫！」

造型好緊要！ Kathy特登預備咗 BB藤籃俾囝囝用。不過老公爭住抱仔，個籃由助手拎住。

鍾意就快D Share啦！

下一篇 》