2015年7月10日 星期五

羅霖寫真貴絕全城誘嫩男力追 羅霖,



今年50歲的「美魔女」羅霖即將推出首本個人寫真集,受到兩岸嫩模「胸」猛夾擊的她,無懼比較,企硬「貴絕全場」,寫真集每本賣250元,比其他寫真集貴逾100元!性感照流出後,羅霖坦言反應正面,透露有年輕男士追求她之餘,更獲富貴朋友拉隊支持!

羅霖自爆有年輕男士追求她之餘,更獲富貴朋友拉隊支持!

身材弗爆的羅霖以五十歲之齡出寫真,吸納不少女性粉絲。

羅霖的寫真集每本賣250元,可謂貴絕全城!

今年50歲「美魔女」羅霖的爆胸寫真集令人噴血,惹來全城哄動,好評如潮,令一眾有份參與書展寫真戰的嫩模眼紅,黃榕更寸爆她:「做得我阿媽!」但羅霖無懼被寸,繼續風騷晒胸,保養得宜、身材弗過不少後生女的她,吸引30歲男士力追,令人艷羨!羅霖承認多了男性追求者:「都多咗男士用SMS搵我,讚我影得靚!」因她曾在訪問中透露擇偶不限年齡,最重要是二人投緣兼對方是負責任的人,她更自爆有年輕男士追求她:「有個男士試探我口風,問我佢有冇機會!對方其實只係得30幾歲!不過佢知我呢排出寫真會忙,都話等我忙完先再約。」除了多了男性朋友外,羅霖亦表示女性朋友亦增加,因為大家都當她是榜樣!

3千本再加印

而羅霖雖然要與兩岸嫩模競爭,但她無懼銷情,寫真集「貴絕全場」,每本售250元!相比其他嫩模平均售價為百多元,足足貴成倍,認真巴閉!對此,羅霖昨日接受本報電話訪問時亦大感愕然:「我以前未買過寫真集,唔知價!不過我本書好揼本,揀咗最厚同最靚嘅紙,而且包書帶都用咗燙金同凸字,成本好高,都賺唔多!」

羅霖透露向來要求高,書中有近50個造型,她亦花了6位數字置裝,希望推出高品質的寫真集。問到會否擔心銷情受影響,她即自信地說:「一啲都唔擔心!第一版印嘅3千本已經內部認購晒,要加印!香港同內地嘅富貴朋友,一訂就訂咗200本。遲吓佢哋仲會拉大隊嚟支持我,好感激!」她又強調富貴朋友是在老婆知情下訂購及支持她的寫真集,希望大家不要誤會。

反應佳鬆口氣

羅霖坦言出寫真前,曾經擔心大家對她50歲出寫真的反應,不過推出後反應正面,令她鬆一口氣:「我係三子之母,一向都形象好!都唔想因為出咗呢本寫真而摧毀形象。依家反應咁好,好開心!」

羅霖自爆有年輕男士追求她之餘,更獲富貴朋友拉隊支持!

身材弗爆的羅霖以五十歲之齡出寫真,吸納不少女性粉絲。

羅霖的寫真集每本賣250元,可謂貴絕全城!

鍾意就快D Share啦!