2015年7月10日 星期五

餅碎玩住送嫁 吳雨霏意大利品味婚禮 [忽然1周 - 1041] 吳雨,吳雨霏,MW,



今次婚禮使費全由老公洪立熙負責,嘩, 50位親友嘅使費絕對唔嘢小㗎!不過洪生依家係金融才俊,只要老婆開心,多多錢都俾得起

媽咪姐

餅碎玩住送嫁 吳雨霏意大利品味婚禮

唔使睇通勝都知 2015一定利嫁娶,睇下圈中唔少 artist排住隊結婚就知好似 29歲嘅 Kary吳雨霏今年 1月同大佢一年嘅老公、「網球王子」洪立熙喺美國註冊結婚,香港時間本周二( 7日)仲喺意大利酒莊同老公正式舉行婚禮,請埋一大班親朋觀禮兼觀光。而圈中人只係請咗鄧麗欣( Stephy)、楊愛瑾(Miki)同區文詩( Angela) 3位好姊妹啫。








點解會揀意大利嘅?事關六年前, Kary同洪立熙遊意國嗰陣,曾經山盟海誓話要喺當地行禮,今年 1月佢哋就特登喺意大利訂婚,媽咪姐聽到都覺得浪漫呀! Kary仲搞咗三日 party,嘩,聽到都醉呀!

講開又講,佢哋舉行婚禮嘅酒莊位於意大利中部托斯卡利嘅 Val d’ orcia地區,以山城同中古時期建築聞名,區內出產嘅 brunello di Montalcino葡萄酒係意大利名物。 Kary揀場地同揀老公一樣咁有 taste喎!

夜晚搞 party,賓客手執煙花,好浪漫!

3餅趁機去咗學整意大利菜,睇嚟小方有口福了。

Stephy、 Angela、 Miki又去埋學騎馬。三餅似去遊學團多過送嫁咁噃!

Stephy搶到花球,同 Kary攬實留影。小方,做嘢啦。

鍾意就快D Share啦!